“Ha’u too agora hanesan Koordenadór Jerál ba AMP seidauk rona iha remodelasaun, nem uitoan”,tenik nia, iha Hotel Golgota, Sábadu (15/6).

Nia hatutan, bele iha rumor maibé ida ne'e konsidera nu'udar espekulasaun polítika. Tanba nu’udar país demokrátiku ema hotu-hotu iha direitu espekula saida de'it.

Kalbuadi dehan, kona-ba kestaun remodelasaun rasik responsabilidade lider másimu AMP maka sei haree.

Hataan kona-ba auzénsia Xanana nian durante loron rua iha Konferénsia Nasionál AMP nian, nia dehan, Prezidente AMP Kay Rala Xanana Gusmão la marka prezensa la signifika nia laiha.

Nia dehan, Xanana la partisipa maibé fó nafatin orientasaun eskrita ho verbál, hodi hato'o partisipante sira hotu atu hatene no entende.