PR Lú Olo Husu Povu Hili Partidu Ne’ebé iha Programa Di’ak Featured

By Cristina Ximenes Maiu 12, 2018 749
PR Lu Olo ho nia espoza foti liman fuan hafoin vota iha sentru votasaun Farol, Dili PR Lu Olo ho nia espoza foti liman fuan hafoin vota iha sentru votasaun Farol, Dili

DILI: Prezidente Repúblika (PR), Francisco Guterres Lú Olo husu ba povu tomak atu  hili  partido politiku sira ne’ebé iha programa di’ak ba prospriedade nasaun no povu.

“Ha’u nia esperansa ba eleisaun antesipada ida ne’e maka povu hotu-hotu ....atu husik hela sira nia votu útil ka votu ida di’ak ba partidu....sira ne’ebé aprezenta sira nia programa di’ak atu nune’e hadi’a povu moris, ha’u fiar katak povu sei partisipa iha eleisaun ida ne’e ho másimu,”dehan Prezidente Repúblika Lú Olo ba jornalista sira hafoin remata determina votu iha Sentru Votasaun Eskola SD, Farol, Dili, Sábadu (12/05).

Aliende ne’e, PR Lú Olo mós apela ba povu tomak atu hakmatek nafatin husik hela imi nia votu útil ba partidu polítiku sira.

PR Lú Olo hakat ba sentru votasaun ho Primeira Dama (nia spoza) hodi ezerse nia direitu votu nuudar sidadaun ida, iha tuku  7:00 oras Timor-Leste.

Hafoin vota, Lú Olo hatutan katak loron ida ohin ne’e loron importante ba sidaudaun TL hotu-hotu espesialmente ba vontante sira hotu atu bele mai iha urnas sira iha fatin hotu-hotu atu husik hela sira nia votu, vota ba futuru TL ninia vota ba oan sira vota ba beioan ninia moris iha loron ikus ninia.

“Ha’u fiar katak iha kampaiña iha liafuan balun mais balun menus balun ko’alia programa balun ko’alia istória balun ko’alia buat barak maibé ha’u hanoin katak ne’e to’o momentu ida agora daudauk depois rezultadu ita hotu sei hamutuk fila fali fó liman ba malu atu hadia ita nia rain ba oin,” tenik PR Lú-Olo.

Rate this item
(0 votes)

Independente Digital TV