PPN Arão Estuda Hela Pedidu Destituisaun Featured

By Aquino Gomes Maiu 07, 2020 3299
Presidente Parlamentu Nasional. Presidente Parlamentu Nasional.

DILI: Prezidente Parlamentu Nasionál (PNN),Arão Noé de Jesus da Costa Amaral, hatete, nia parte sei estuda hela pedidu destituisaun ne’ebé hatama husi Bankada FRETILIN, PLP no KHUNTO.

“Agora iha Covid-19, uluk 2017 to’o 2018 iha IV Lejizlatura laiha plenária, laiha ema ida kestiona tanba sá mak ida-ne’e kestiona,”Presidente Arão informa, iha Parlamentu Nasionál, kinta (07/05).  

Arão reafirma, iha reuniaun líder Bankada deside ona katak durante Covid-19 ne’e kuandu iha ajenda Ordem do Dia mak iha plenária. Sé laiha ajenda Ordem do Dia laiha plenária.

Prezidente Parlamentu Nasionál sei justisa pontu lubuk ida ne’ebé rekerente sira koloka iha rekerimentu ba destitusaun nian.

“Kona-ba ajendamentu ba rekerimentu destituisaun ne’e ha’u sei haree lai ninia konteúdu depois bele hatete ajenda ka lae. Pedidu ida uluk tama iha Janeiru ba destituisaun Prezidente IV Lejizlatura to’o fim do mandatu 2018 nein (laiha) ajenda, ne’e hatudu katak la viola buat ida,"nia sublina.

Rate this item
(0 votes)

Independente Digital TV