PM Taur Hatene Ona Folin Fós Sae iha Lospalos Featured

By Pedro Alves Marsu 17, 2020 4446
PM Taur Matan Ruak PM Taur Matan Ruak

DILI:Primeiru Ministru Taur Matan Ruak hatene ona emprejariu ne’ebé loke loja, kioske sira komesa manipula folin fós sa’e.

Tanba ne’e, Xefe Estadu ne’e apela ba emprejariu sira labele aproveita situasaun agora hodi hasa’e folin sasan.

"Ha'u apela ba emprejariu ho inflasiona sasan nia presu aproveita oportunidade hodi hariku sira nia an, nune'e apela sira negosiu ida jujur iha momentu ne'ebe nasaun presiza sira nia tulun sira tenke apoiu,"dehan Primeiru Ministru Taur Matan Ruak iha Sede Suku Santa Cruz hafoin fahe ajudus úmanitaria ba familia afetadu sira,(17/03).

"Ha'u hatene iha losplaos sira komesa halo ona ida ne'e, husu komprador sira informa ba autoridade tanba laiha nesesidade atu emprezariu sira halo hanesan aproveita situasaun hanesan ne’e manan osan,”tenik Tauk.

Primeiru Ministru realsa, tuir lolos iha situasaun hanesan ne’e, Timoroan sira hamutuk apoiu malu. Hanesan esperensia iha nasaun seluk situasaun hanesan ne'e nasaun hasoru difikuldadade no defisil hamenus tan sasan nia folin.

"Sei hasae sasan nia folin ne'e atu atu oho nasaun no ema nune'e emprejariu iha Timor labele hetan estatutu hanesan nee,"hateten PM Taur,

Alende ne'e, Taur husu emprejariu Timor-oan Sira atu apoiu raut hikas foer husi akontese inundasaun iha semana ne'e hodi hamos hikas sidade Dili sai moos.

Rate this item
(0 votes)
Last modified on Kuarta, 18 Marsu 2020 21:29

Independente Digital TV