Print this page

PM Taur Felisita Jornalista Sira Featured

By Maiu 06, 2019 3137
Taur Matan Ruak (Presidente Republika) intrega sertifikdu ba jornalista sira Taur Matan Ruak (Presidente Republika) intrega sertifikdu ba jornalista sira

DILI:Primeiru Ministru (PM) Taur Matan Ruak felisita jornalista timoroan tomak, liga ho komemorasaun loron Liberdade Imprensa Mundiál ne’ebé monu iha loron 3 fulan Maiu.

‘‘Nu’udar Xefe Governu, hato’o ha’u-nia felisitasaun ba profisionais sira iha loron espesiál ida-ne’e, hodi fó-hanoin hikas katak, imprensa nu’udar mós pilár nasaun nian hodi promove no hametin demokrasia iha sosiedade nia leet’’, hateten Taur iha liu husi komunikadu.

Xefe governu ne’e enkoraja mós profisionais mídia komunikasaun sosiál sira atu mantein, iha tempu hotu-hotu, responsabilidade bainhira hala’o knaar bá buka no fó-sai informasaun sira, presizamente kumpre duni kódigu de étika ne’ebé orienta hodi prodús informasaun ne’ebé kredivel no iha balansu ba sosiedade.

Taur mos rekoñese papél imprensa nian dezde tempu rezisténsia to’o mai iha ukun-an nia laran importante tebes, ohin iha faze konstrusaun Estadu nian, Taur fiar katak, papél mídia nian sei fó ninia kontribuisaun boot liután ba prosesu dezenvolvimentu nasionál.

Tanba ne’e Xefe governu ne’e hakarak hato’o omenajen ba jornalista hirak ne’ebé lakon sira nia vida iha hala’o knaar, no dezeju atu jornalista hotu ne’ebé oras ne’e hala’o daudaun knaar jornalizmu nian, bele hetan protesaun ne’ebé di’ak no susesu iha servisu tomak.

Rate this item
(0 votes)
Jose Sarito Amaral

Latest from Jose Sarito Amaral