×

Atenção

JUser: :_load: Não foi possível carregar usuário com ID: 430

Print this page

PM Alkatiri ‘Falta’ iha Diskusaun OR Featured

By Artur da Luz Dezembru 20, 2017 1246
Alkatiri Alkatiri

DILI: Diskusaun Orsamentu Retifikativu ne’ebé ajendadu hodi diskute iha Parlamentu Nasionál, Segunda  no Tersa, prezensa husi membru Governu hotu-hotu, úniku Primeiru Ministru, Mari Alkatiri, mak ‘falta’.

Ministru Prezidensiál Konsellu Ministru, Adriano do Nascimento hateten, Primeiru Ministru la marka prezensa iha plenária ba diskusaun orsamentu retifikativu tanba okupadu ho servisu barak.

Ne’e duni, Primeiru Ministru rasik delega membru VII Governu reprezenta Xefe Governu hodi partisipa diskusaun ne’e.

“Primeiru Ministru la marka prezensa tanba halo servisu barak nasaun nian,” dehan Adriano, iha Uma Fukun PN, Segunda (18/12).

Maibé, antes ne’e membru Governu ne’e mós deklara ona katak, nu'udar Xefe Governu bainhira aprezenta OR, Primeiru Ministru rasik hakarak ka lakohi tenke partisipa tanba tuir lei.

Maibé, realidade ne’ebé hatudu katak Primeiru Ministru rasik mós muda nia planu bainhira aprezenta OR ba daruak Xefe Governu ne’e la marka prezensa ho razaun tanba okupadu ho servisu nasaun nian barak.  

Rate this item
(0 votes)