Governu lidera husi Primeiru Ministru Taur Matan Ruak hatoo ona proposta ba Parlamentu Nasional atu altera lei estruturante hodi bele atende situasaun emerjensia relasiona ho akontesimentu inundasaun no preparasaun ba ameasas virus corona hasoru mundu.

“Lei Orsamentu no Jestaun Finanseira ne’e lei estruturante, ne’ebé governu labele obriga ami, governu só bele ba husu de’it osan atu gasta ne’e maibé muda lei ami sei la muda, tanba governu ho estatus antara hidup dan mati, tanba ne’e ba ami la nesesiáriu,"dehan Prezidente Bankada PD, António da Conceição ‘Kalohan’ ba jornalista sira iha Tower, Fatuhada, Dili, sesta (20/03).

Tuir nia, bainhira muda lei orsamentu no jestaun ne’e ligadu ba Orsamentu Jerál Estadu (OJE) ne’e la fasil atu halo alterasaun.

"Maske governu husu altera atigu ida de’it maibé ami sei estuda nesesasidade saida mak atu altera lei estruturante ne’e hodi garante deit osan to’o fulan-outubru ne’e ami la alterasaun," dehan nia.

Maske nune'e, Prezidente Bankada PD ne’e hateten, kona-ba peddiu husi governu atu foti osan fundu petrolíferu ne'e bele, maibé proposta alterasaun lei orsamentu jestaun finanseiru ne'e la nesesariu.