“Ohin hamrik atu transforma sosiedade ne’e, atu sosiedade demokratiku, Partidu Demokratiku konta ho imi, Partidu Demokratiku aliadu ho povu, Partidu Demokratiku hamutuk ho imi hodi la’o ba oin,”dehan Assanami, iha konferensia impresa, iha sede Partidu Kolmera, Sesta (05/06).

Nu’udar estrutura Partidu Demokratiku hato’o mós deskulpa ba inan, aman no militantes, kuadru sira hotu, karik iha buat balun ne’ebé mak Partidu Demokratiku durante halo seidauk tuir saida ema hotu-hotu nia mehi.

Maibé lolo liman nafatin ba imi hotu, mai ita hamutuk habot Partidu Demokratiku.

“Imi sira ne’ebé fundadór, kompaneiru sira ne’ebé hakaas iha kraik halo boot partidu ne’e, partidu mantein husu nafatin imi nia kontribuisaun, ita sei selebra, selebrasaun ida ne’ebé boot tebes tinan 19 partidu nian, hodi ita bele hamutuk haforsa Partidu Demokratiku hodi konstrui ida ne’ebé ita hotu-hotu mehi,”nia subliña.