Print this page

Menus Sala Pasiente iha HNGV Deputadu PN Kestiona Polítika MS

By Humberto dos Santos Janeiru 24, 2017 1612

DILI: Relasiona ho sala pasiente ne'ebé menus iha Hospital Nasionál Guidu Valadares (HNGV), deputadu Parlamentu Nasionál (PN) kestiona polítika Ministériu Saúde (MS) nian ba ezekusaun Orsamentu Jerál Estadu (OJE).

Deputadu Bankada FRETILIN Eládio Faculto dehan, problema kama pasiente la'ós novidade foun iha ospitál.

“Kuartu ba ita nia pasiente sira kuaze fatin laiha para atu bele tau ita nia pasiente toba ho dignidade uitoan,” dehan nia, liu husi Plenária PN, horisehik. 

Nia informa ba Ministériu Saúde atu tau polítika ne'ebé atu rezolve  kestaun ne’e, tanba tinan-tinan Parlamentu Nasionál (PN) aprova orsamentu boot, maibé Governu laiha polítika di'ak atu haree problema sira ne’e.

“Kuaze kuradór sira ne’e metin ho pasiente sira, ha'u la hatene polítika saida tan mak ita presiza atu hato’o iha uma fukun ne’e para atu obriga Governu liuliu ba ministériu ne'ebé tutela ba asuntu ne’e atu rezolve problema,” dehan nia. 

Tanba Parlamentu Nasionál (PN) fó autonomia ba finanseira ba Hospital Nasionál Guido Valadares, mais kapasidade jestaun ne’e sempre la di'ak.

Nia dehan, dala barak ona deputadu sira ko'alia asuntu sira tau osan boot atu bele ospitál bele organiza ho di'ak, maibé realidade pasiente sira kontinua kestiona problema sala kuradór toba fatin no buat sira seluk tan. 

Rate this item
(0 votes)

Related items