Print this page

Lider Nasionál Aseita Eleisaun Antesipada Rekursu Ikus Liu Featured

By Fevereiru 11, 2020 2962
Lider istoriku sira hafoin dialogu Lider istoriku sira hafoin dialogu

DILI: Lider nasionál sira ne'ebé partisipa iha dialogu ho Prezidente Repúblika Francisco Guterres Lú Olo konkorda atu Eleisaun Antesipada (EA) sai rekursu ikus liu.

Prezidente Repúblika Francisco Guterres Lú Olo hatete, iha pontu tolu importante ne'ebé koalia durante dialogu ho lider nasionál sira. Pontu dahuluk, Xefe Estadu ne’e dehan, Eleisaun Antesipada hanesan rekursu ikus liu.

Pontu daruak, partidu politiku ne'ebé asentu iha PN tenke halo movimentu politika oinsa atu dezeña sira-nia opiniaun no sira-nia hakarak atu solusiona impase politika. Ikus liu mak PM Taur sei mantein lidera governu to'o hetan solusaun.

“Ha'u hakarak atu akresenta tan katak Prezidente Repúblika halo diálogu ida ne'e hodi buka solusaun ida ne'ebé di'ak liu ba ita-nia rain liu husi pelumenus hanoin di'ak husi lider sira hotu-hotu atu ita bele ultrapasa situasaun ida ne'ebé oras ne'e daudauk lao iha ita-nia rai,” dehan PR Lú Olo ba jornalista sira hafoin reuniaun final ho lider nasionál sira iha Palasiu Prezidensiál Bairu-Pite, Segunda (10/02).

PR Lú Olo dehan, nia haksolok ho lider nasionál sira ne'ebé simu ninia konvite hodi partisipa iha dialogu refere.

Hatan kona-ba sa solusaun ne'ebé mak PR sei foti ba impase politika, PR hatan solusaun ne'e solusaun polítika, maibé la sees husi dalan konstituisaun ninian, signifika katak sei buka maneira hotu-hotu.

“Sei iha nafatin tempu, fó tempu nafatin ba Prezidente Repúblika atu nune'e bele koalia beibeik hodi hetan solusaun polítika,” dehan nia.

Rate this item
(0 votes)
Jose Sarito Amaral

Latest from Jose Sarito Amaral