Lere: Deklarasaun Brigada Negra ho Reis Kadalak Krime Featured

By Maiu 27, 2020 3769
Komandu F-FDTL, Lere Anan Timur Komandu F-FDTL, Lere Anan Timur

DILI: Xefe Estadu Maiór Jerál Falintil-Forsa Defeza Timor-Leste (F-FDTL), Maijór Jenerál Lere Anan Timur, konsidera deklarasaun Assosiasaun Combatantes Brigada Negra (ACBN) ho Reis Kadalak ne'e krime, tanba deklarasaun sobu lider sira.

Tanba ne’e, Komandante F-FDTL husu ba Polisia Nasionál Timor-Leste (PNTL) atu kaeer Reis Kadalak ho grupu ACBN ne’e.

"Ha'u husu nafatin liuliu ba ema veteranus rezistensia sira labele kaer politika hodi fahe ema, ha'u ko'alia ne'e liuliu ba sira Brigada Negra ho Reis Kadalak, tanba sira nia deklarasaun ne'e arbiru de'it, deklarasaun ne'e krime nian, maibé ha'u hein polisia sei ba kaer sira,"dehan Lere ba jornalista sira hafoin ekontru semanal ho PR Lú-Olo iha Palasiu Prezidensial Bairu-Pite, Dili (27/05).

Jenerál Lere dehan, sira nia deklarasaun katak, fakar ran ne'e fakar ran ba saida, fakar ba soberania, ida ne'e, tanba dei't maun boot Xanana, Taur no Lú Olo sira iha diverjensia uituan ne'e mak imi atu fakar ran ba ida ne'e.

"Ne'e mak ha'u hanoin ita nia maun sira nia problema ita labele preokupa tau kanuru tohar, husik sira rezolve sira nia problema ba, hanesan uluk ha'u dehan katak sira labele hatene halo problema,"dehan Lere.

Lere Afirma, impase politika nia hun mai husi ne'ebé persiza buka hatene atraves husi midia ne'ebé fó sai informasaun sempre  temi Maun Xanana, maunTaur no maun  Lú Olo sira nia naran.

"Veteranus sira labele deklara katak hamutuk deit ho maun Xanana maibé tenke sira nain tolu hamutuk hotu, la'ós hamutuk ida de'it no labele halo deklarasaun ida katak ami prontu fakar ran ne'e bosok," Tenik Lere.

Rate this item
(0 votes)

Independente Digital TV