Laiha Violensia iha Eleisaun Parlamentar Featured

By Artur da Luz Jullu 23, 2017 823
Fiskais sira atende votante sira Fiskais sira atende votante sira

DILI: Situasaun eleisaun lezislativa too iha prosesu kontazen ne’ebé hala’o iha Timor laran tomak lao hakmatek no laiha violensia.

Komandante Jerál PNTL, Komisariu Julio da Costa Hornai hatete, situasaun jerál iha munisipiu 13 la’o hakmatek

Komandante ne’e haktuir  durante eleisaun iha dader too loraik situasaun rasik la’o hakmatek tanba kontrola husi membru polisia sira iha senru votasaun  no estasaun votasaun.

Tanba ne’e Komandu PNTL ne’e apresia ho komunidade maioria iha ona konsensia hodi hakribit violensia.

“Ha’u kontaku ho komandante 13 munisipiu sira iha sira nia knaar fatin informa mai ha’u katak situasaun la’o hakmatek,”dehan Julio ba jornalista iha Kuartel Jeral PNTL Kaikoli Dili, Sabadu (22/7)

Relasiona kontazen votus, nia dehan, Komandu PNTL hetan apoiu husi F-FDTL hodi asegura prosesu kontazen de votus iha munisipiu 13 liliu sentru votasaun. 

Rate this item
(0 votes)

Independente Digital TV