La Prienxe Rekijitus, CNRT, KHUNTO, PUDD, UDT, FM Rame-Rame Halo Konferénsia Featured

By Ekipa INDEPENDENTE Marsu 08, 2020 2958
Koligasaun foun 2020 Koligasaun foun 2020

DILI:Hafoin konferénsia extraordinária Partidu Congressu Nacionál Reconstrusaun de Timor (CNRT) no partidu KHUNTO iha sabdu horsehik, domingu ohin partidu tolu, PUDD, UDT no FM halo rame-rame mos konferénsia extraordináriu hodi konfirma pozisaun hamutuk ho CNRT forma Governu dasia.

Molok konferénsia extraordinariu ne’e hala’o, partidu neen mak hanesan CNRT, PD, KHUNTO, PUDD, UDT no FM deklara ona koligasaun foun hodi forma Governu foun ba dasia (IX Goveernu).

 Maibé hafoin formatu koligasaun foun ne’e aprejenta iha Presidente Repúblika iha sesta-feira foin lalais, seidauk bele prienxe rekijitus hodi forma koligasaun no forma governu foun.

Tanba ne’e ho ambisaun boot, partidu ida-idaik fila fali hodi halo kedas konferénsia extraordinária hodi prienxe rekijtu sira ne’ebé Presidente Repúblika Fransisco Guterres Lú Olo kestiona.

Enkuantu, Partido Demokratiku hala’o uluk ona konferénsia nasionál molok afirma pozisaun hamutuk ho CNRT hodi forma Governu foun.

Iha sabdu horsehik liu husi konferensia estraordinária, CNRT reafirma ona nia pozisaun mantein iha Aliansa Maioria Parlamentár (AMP) 2018 hodi forma Governu foun.

Iha loron hanesan, KHUNTO mós konfirma ona pozisaun hamutuk ho CNRT forma Governu foun.

Entretantu, domingu ohin PUDD, UDT, FM mós liu husi konferénsia extraordináriu konfirma ona sira nia pozisaun hamutuk ho CNRT forma Governu foun.

Rate this item
(0 votes)

Independente Digital TV