Governu Aprova Tan DOT Fulan-Juñu Tokon $122.3 Featured

By Pedro Alves Juñu 03, 2020 2483
Ministru Prezidensia Konselu Ministru Fidelis Leite Magalhaes. Ministru Prezidensia Konselu Ministru Fidelis Leite Magalhaes.

DILI:Oitavu Governu Konstitusional liu husi reuniaun Konsellu Ministrus aprova tan Dotasaun Orsamentu Temporaria (DOT) ba fulan-Juñu 2020 ho valór hamutuk tokon $122.3.

"Ohin enkontru konsellu ministru aprova projetu deliberasaun ne’ebé aprezenta husi Ministru Finansas Fernando Hanjam kona-ba dotasaun orsamentu temporaria ba fulan-Juñu 2020 ne’ebé ho montante dolar Amerika hamutuk tokon $122.3, inlui ona selu imprestimu sira,"dehan Ministru Prezidensia Konselu Ministru Fidelis Leite Magalhaes, iha Palasiu Governu, Kuarta,(03/06).

Ministru ne’e afirma,  husi valór despeza hirak ne’e inklui mós dolar Amerika tokon $3.3 halo pagamentu ba Ro Nakroma 2, no tokon $7 hodi asegura pagamentu subsidiu estraordinariu no selu pagamentu ho 60% husi renumerasaun iha ambitu medida hodi apoiu ba empregu.

Rate this item
(0 votes)

Independente Digital TV