FRETILIN Presiza Komunika ho Xanana no Taur Featured

By Jacinto Xavier Agostu 02, 2017 1196
Xanana, Taur ho Alkatiri Xanana, Taur ho Alkatiri

DILI:Partidu FRETILIN presiza tenke halo komunikasaun ne’ebé di’ak ho Prezidente partidu CNRT, Xanana Gusmão no Prezidente PLP, Taur Matan Ruak, tanba sira mesak ema ida de’it.

Observadór polítika, Camilo Ximenes haree katak, governasaun ne’e sei dura liután bainhira lider antigu sira hamutuk hodi kaer ukun.

“Fó sira na’in tolu forma governu ne’e laiha buat ida maka atu korta sira to’o 2022”, tenik nia, iha kampus UNTL, Kaikoli-Dili, horisehik.

Tuir nia hanoin, sira hamutuk hodi ukun, nune’e hafoin 2022 jerasaun foun sé maka pelumenus akompaña jerasaun tuan sira ne’e ho di’ak maka bele hetan fali oportunidade.

Atu alkansa objetivu dezenvolvimentu sutentavel la’o ho di’ak, obriga sira atu sira hamutuk. Labele haree husi kestaun kór partidu nian.

Sira labele soe fali rai rahun ba jerasaun sira. Lideransa antigu sira labele imajen la di’ak ba jerasaun foun sira ne’e.

“Tenke sukat halo komunikasaun ne’ebé di’ak hodi bele hanoin ida de’it atu lori prosesu dezenvolvimentu ba TL”, hatete Camilo.

Rate this item
(0 votes)

Independente Digital TV