Fatin turizmu hirak ne’ebé SEFOPE iha governu konstitusional ba dalima dezenvolve mak hanesan Bee Manas Marobo, Seloi Kraik, Leki Raka, One Dollar Beach, no Com, dadaun ne’e abandona hela.
Diretór Jeral Turizmu José Filipe Quintas dehan, fatin turizmu balun hanesan bee-manas Marobo abandonadu tanba SEFOPE mak dezenvolve no seidauk entrega ba parte MTKI.
Tan ne’e, nia dehan, Diresaun Jeral Turizmu MTKI diskuti ona atu iha iha tempu badak hala’o termu integra.
“Fatin lima ne’e uluk sira (SEFOPE) dezenvolve; Marobo, Seloi Kraik, Leki Raka, One Dollar Beach no Com, karik haree ba lei organiku ne’e turizmu iha resposabilidade.”
“Ami hein hela termu resposabilidade iha tempu badak bele integra hodi parte turizmu halo dezenvolvimentu no jestaun hodi nune’e fatin ne’e governu hala’o ona labele abandona tanba dadaun turista komesa tama ona Timor hodi haree ba retribuisaun,” dehan nia iha PN, Tersa (07/01).
