“Prezidente Repúblika to’o duni ona nia objektivu, tanba durante tinan hirak nia laran, Prezidente Repúblika halo hela gerillia, aban (ohin)  objektivu Prezidente Repúblika nian konsege to’o, lori duni nia ema FRETILIN sira toma posse, buat ne’ebé pertense direitu propriu CNRT nian,”dehan nia, iha Parlamentu Nasionál, ohin Kinta (28/05).

Kona-ba Governasaun ne’e dura ka la’e, nia deha, depende hare’e sira nia kapasidade ukun nian.

“Maibé ha’u hare’e sira difisil atu hakotu impase, ita hare’e foun mak atu halo formasaun meza mós informasaun ita hare’e hanesan komesa laiha ona animu di’ak, hanesan kemesraan mós komesa menus-menus fali, ne’ebé ita lahatene dala ruma bele dura ka la’e, prontu ne’e sira nia problema,”dehan nia.

Dalan ne’ebé di’ak liu atu hakotu impase, tuir nia, dalan di’ak mak kleur  ona, CNRT sempre insiste ne’e, atu hakotu impase ne’e iha Prezidente Repúblika nia liman, maibé Prezidente Repúblika mak halo tiha ona, agora atu halo nusa tán.

Entretantu Presidente Repúblika promulga ona lei organika VIII Governu Konstitusional foun, ne’ebé nomeia ona membru Governu foun liliu nomeia Armanda Berta ba Vise Primeiru Ministra.

Membru oitavu Governu  fase primeiru  sei hala’o aban (30/05/2020) hanesan, Ministru Estatal (FRETILIN), Miguel de Carvalho, Ministru Agricultura Pescas (KHUNTO),Pedro Reis, Ministru Finansas, Fernando Hanjam (FRETILIN), Ministra Saúde, Odete Maria Freitas Belo (FRETILIN) Ministro Concelho Ministro e Comunicacão Francisco Jeronimo (FRETILIN), Ministru antigus Kombatentes Meta Malik (PD), Ministro do Concelho Ministru, Fidelis Leite Mangalhaes (PLP), Primeitu, Vise Primeiru Minstra, Armanda Berta dos Santos (KHUNTO).