Boletim Votus Balun Monu Featured

By Ligia Noronha Jullu 22, 2017 1456
Xefe Suku Komoro Eurico de Jesus Xefe Suku Komoro Eurico de Jesus

DILI:Boletin ida monu tun iha kabina Votus laran iha suku Komoro Suku 12 Outubru Tasi Tolu Dili.

Monu tanba antes votantes ne’e atu ba vota, maibé observador internasional sira hasai kedena foto no intrega fali ba brigade sira.

Tuir Xefe Suku Komoro Eurico de Jesus katak, bazeia ba kontrolu ne’ebe nia halo hahu husi oras tuku 7:00 dader iha suku komoro nian no sentru votasaun hamutuk 22 maibe iha Aldeia 12 Outubru mak iha failansu ituan.

“Ha’u too iha tasi tolu mak iha falansu ituan deit ema bulak ida mak ba hakilar iha ne’eba no iha fatin kabina votus ida mak monu no depois observador internasinal sira hasai tiha foto depois intrega fila fali ba iha brigade ,”dehan Euroco iha fatin votasaun eskolah 30 Agostu, Sabdu (22/07).

Total sentru votasaun suku komoro hamutuk 22 maibe iha fatin sira ne’e situsaun vota la hanesan ona ho eleisaun sira babain hala’o tanba numeru votantes menus tanba suku komoro fahe ona ba suku tolu.

Xefe Suku dehan, antes sedauk halo afiliasaun suku Komoro total votanstes  rihun 33.145 ho tan sira foun tama sa’e ba 38.147, depois fahe tiha ba suku 3suku komoro hela de’it rihun 33 abitantes kompostu husi aldeia 15, signifika rihun 13 perparadu no sedauk fakhe suku komoro iha aldeia 31 votantes rihun 33.

“Ha’u la iha hanoin ida ho numemru henesan ne’e sira tenki vota hotu tanba esperensia hatudu ba ita iha eleisaun Suku no Prezidensial nian ema idak idak iha ninia konsiensia atu vota maibe tanba evolusaun Politika ita hare katak ema hotu hotu vontade espirtu tenki determina sira nia an ba prosesu dezenvolvimentu liu husi votasaun,”tenik nia.

Tuir observasaun jornalista INDEPENDENTE iha terenu, durante eleisaun lao kontroladu la iha indikasaun krimi ruma mosu iha fatin refere tanba hetan kontrolu makasa husi Polsia Nasaional Timor Leste (PNTL) no mos atividade negosiu lao nafatin.

Iha suku komoro votantes sira hatudu duni sira nia antusismu hodi ba ezerse sira nia diretu hodi ba halo votasaun, sentru votasaun iha pare komoro nian hanesan Eskola 30 de Agostu, Futu, Eskola São Pedro, SD 5, Nikolau Lobatu, Fomentu 2, Eskola Sekundairiu Finantil no mos eskola Filial Aimutin votantes sira menus no husik fatin mamuk sedu deit iha oras 11:00 dader.

Rate this item
(0 votes)

Independente Digital TV