×

Atenção

JUser: :_load: Não foi possível carregar usuário com ID: 428

Babo: CNRT La dehan Tenke Rezigna An Featured

By Pedro Alves Maiu 14, 2020 2911
Kampana CNRT iha tinan kotuk. Foto INDEPENDENTE Kampana CNRT iha tinan kotuk. Foto INDEPENDENTE

DILI: Maske partidu CNRT deklara ofisialmente retira husi governu daualu, maibé membru governu husi partidu ne’ebé lidera husi Xanana Gusmão ne’e seidauk rezigna an.

Ministru Negosiu Estranjeiru no Kooperasaun ne’ebé mós asume kargu nu’udar Prezidente Konsellu Politika Nasionál partidu CNRT, Dionisio Babo hatete, partidu CNRT husu ona ba ninia membru iha governu atu rezigna aan, maibé la’os obrigasaun.

Babo hatete, partidu fó liberdade ba nia membru sira iha governu atu deside ho ninia vontade rasik, tan ne’e Babo sei hanoin no komunika didi’ak molok foti desizaun.

“Hanesan mós membru partidu hetan ona infórmasaun maske seidauk simu notifikasaun individual ba ami idaidak, informasaun ne'ebé liu husi media hatete katak partidu nia pozisaun hanesan instituisaun la tama ona iha koligasaun, maibé hanesan membru governu individual sei hala’o serbisu tuir mandatu ne'ebé primeiru ministru fó,” dehan Babo iha salaun Ministeriu Finanas, Aitarak-Laran, Kuarta (13/05).

Babo dehan, partidu fó liberdade ba nia membru sira atu deside, maibé ho kondisaun katak bainhira deside mantein iha governu, membru refere labele koalia lori partidu nia naran.

“Hanesan ne’e de’it, la dehan tenke sai ka la sai, entaun kestaun ida ne’e mak ita haree,” dehan nia.

“Tanba ne’e mak ami hanesan membru partidu hanoin hela, no primeiru ministru mós hatete katak nia la pretende atu hasai membru governu sira mai husi partidu CNRT. Primeriu Ministru dehan mak ne'e ‘livre ba ita-boot sira mak deside’," dehan Babo.

Babo dehan, daudauk ne’e nia sei kontinua hala’o serbisu tanba PM Taur fó fiar ba nia.

“Primieru Ministru fó hela fiar mai ami halo serbisu ida ne'e, tanba ita koalia kesatun estadu, partidu troka, governu troka ne'e normal iha prossesu demokratiku, naran katak priense rekejitus no kumpre rekejitus hotu,” nia hatete.

Rate this item
(0 votes)

Independente Digital TV