Asaun Hatun PPN Politiku, TR Rejeita Tan Keixa Arão Featured

By Ekipa INDEPENDENTE Maiu 28, 2020 3102
Resposta Tribunal Rekursu ba keixa Arao Noe de Jesus. Resposta Tribunal Rekursu ba keixa Arao Noe de Jesus.

DILI:Tribunal Rekursu (TR) rejeita tan keixa husi Presidente V Legislativa Parlamentu Nasionál Arao Noe de Jesus Amaral tanba asaun destituisaun meza Parlamentu Nasionál ne’e polítiku ne'ebé laos kompetensia Tribunál nian atu intervein.

Iha loron 19 fulan-Maiu 2020, bankada tolu, FRETILIN, PLP, KHUNTO no hetan apoiu tan husi Partidu Demokratiku (PD) hala’o plenaria obrigatoriu halo votasaun ba pakote uniku Presidente Parlamentu Nasionál Aniceto Guterres, ho votus afavor 40, kontra 0, abstensaun 0.

Desizaun Tribunál Rekursu ne’e hatudu katak destituisaun no eleisaun meza Parlamentu Nasionál ne’e aktu politiku Parlamentu Nasionál nian.

Tanba ne’e, aktu hatuun PPN Arão Noe de Jesus hodi hili fali Presidente PN foun Aniceto Guterres validu no iha lejitimidade.

Antes ne’e, Deputadu husi Bankada tolu, FRETILIN, PLP, KHUNTO no Primeiru Ministru Taur Matan Ruak rasik kestiona aujensia deputadu CNRT no Deputadu Arão rasik iha plenaria.

Preokupasaun ne’e, Deputadu Arão Noe de Jesus responde katak sei hein desizaun Tribunál Rekursu ba keixa ne’ebé nia hatoo.

Entretantu Tribunál Rekursu, kinta ohin responde ona katak aktu hatuun PPN ne’e kestaun politiku, tribunál laiha kompetensia atu halo intervensaun.

Rate this item
(1 Vote)

Independente Digital TV