“Konforme sira (Bankada tolu)rejimentu fó dalan bele halo laiha buat ida, Parlamentu Nasionál nia odamatan nakloke loron too kalan, atu ba tuur iha meza ne’e atu dirijé,  halo favour….se bele tuir konstitusaun no tuir lei, Prezidente sei la haruka ema atu hapara,”dehan nia, sesta ohin, iha Parlamentu Nasionál.

Enkuantu Bankada Partidu Congressu Nasionál da Reconstrusaun Timor (CNRT) husu Bankada tolu, FRETILIN, PLP no KHUNTO atu aprezenta razaun sira ho fundamentu hodi prova katak Prezidente Parlamentu Nasionál ne’e viola regra ruma, viola konstituisaun ka viola rejimentu.

Responde kona-ba deklrasaun Bankada tolu katak Prezidente-PN  sei hamosu krize  institusionál,  nia dehan, krize laos foin mosu, krize ne’e mosu desde Orsamentu Jerál Estadu 2020 la aprova ne’e mosu tiha nusa la foti desizaun ba krize ne’e.

Tanba ne’e, nia klarifika katak rekerimentu ba subtitusaun ne’e sei iha prosesu analizé.

“Ami inkontru par halo analize ba rekerimentu ne’ebé tama mai,  hanesan ha’u dehan tiha ona haree opsaun saida mak  hola ba kona-ba rekerimentu ne’e, tanba ne’e sei analize hela,”dehan nia, iha Parlamentu Nasionál, Sesta (08/05).

Tanba nia dehan, sei  foti desizaun ba rekerimentu Bankada FRETILIN, PLP no KHUNTO  ba dalan  legal ka saida  ne’e sei prosesu  analize nia laran.

“Tanba ne’e sei estuda hela sei foti desizaun tuir kompenténsia ne’ebé  regula hela iha  artigu 17  tuir rezimentu Parlamentu Nasionál nian, iha alinea 1 kona-ba kompeténsia Prezidente-PN nian,”dehan nia.