Print this page

Alkatiri: Koligasaun Foun Hanesan Labarik Kiik Featured

By Aquino Gomes Marsu 07, 2020 3671
Alkatiri Alkatiri

DILI:Sekretáriu Jerál Partidu FRETILIN, Marí Alkatiri konsidera koligasaun foun ne’ebè lidera husi CNRT hamutuk PD, KHUNTO, PUDD,UDT, FM hanesan labarik kiik foin hahoris, maibé mate fila-fali.

Tanba ne’e, tuir Sekjer FRETILIN Alkatiri katak, preokupasaun Prezidente Repúblika, Francisco Guterres Lú Olo, ne’e razoável tanba la prienxe rekezitu legalidade.

“Koligasaun foun ne’e la tuir lei partidu polítiku, ne’e hanesan labarik ida iha inan nian kabun mas la hetan moras hodi hahoris duni labarik ne’e mas mai mate tiha ona,”Alkatiri informa ba jornalista sira, hafoin partisipa abertura kongresu partidu KHUNTO nian, iha Sentru Konvensaun Dili Sesta horsehik.

Mari foti ezemplu segundu kongressu KHUNTO nian ho tema 'hahoris no moris' hahoris mate tiha ona, tanba tuir Mari katak iha rai ida ne'e iha partidu ida mak prontu ba eleisaun aban mak FRETILIN.

Alkatiri dehan, partidu polítku sira atu halo koligasaun forma governu tenke prienxe buat hotu-hotu, maibé situasaun ne’e mak la akontese ba koligasaun foun ne’ebé lidera husi Partidu Congressu Nacionál Reconstrusaun de Timor (CNRT).

Rate this item
(0 votes)
Last modified on Domingu, 08 Marsu 2020 12:54

Related items