AIFAESA: PNSIK Prende “Masker” Ne’ebé Klinika Faan Karu Featured

By Marsu 05, 2020 3250
AIFAESA hamutuk ho PNSIK halo apreensaun ba materiak ne'ebe klinika Moris Foun faan karu. Foto AIFAESA. AIFAESA hamutuk ho PNSIK halo apreensaun ba materiak ne'ebe klinika Moris Foun faan karu. Foto AIFAESA.

DILI:Hafoin AIFAESA, I.P, komunika kona-ba klinika ne’ebé faan máskara ho folin karu, Policia Servisu Investigasaun Kriminal (PNSIK) halo kedan atuasaun imediata prende materia iha klinika Moris Foun.

Tuir komunikadu ne’ebé online INDEPENDENTE ne’e asesu, kinta-feira horsehik katak AIFAESA simu reklamasaun husi komunidade kona-bá presu máskara neebé faan iha farmasia Moris Foun la tuir presu normal.

Tuir informasaun ne’ebé reklamante hato'o mai AIFAESA katak máskara ne’ebé faan iha Farmasia Moris Foun ne'e la tuir presu normal ne'e tanba máskara ne'e baibain faan $6 kaixa ida, agora sae tiha ona ba $20 kaixa Ida.

Hafoin simu tiha reklamasaun ne'e, AIFAESAho konsiderasaun ba possibilidade mosu indísiu krimi espekulasaun ba presu iha situasaun ne’e, komunika kedan ba parte Policia Servisu Investigasaun Kriminal (PNSIK), ne'ebe iha kompetensia materia kriminal hodi bele atua kedan situasaun ne’e.

Husi informasaun ne’ebé AIFAESA komunika ba, PNSIK halo kedas intervensaun ba fatin ne'e no identifika duni katak Farmasia ne'e faan duni máskara ho presu $20.

Nunee PNSIK halo apreensaun ba máskara hamutuk kaixa 22 hodi submete kedan ba prosessu investigasaun hodi rona mos deklarasaun husi Diretór Farmasia Moris Foun iha edifisiu PNSIK- Komando Jeral PNTL, Caicoli.

Rate this item
(1 Vote)

Independente Digital TV