Segunda, 17 Juñu 2019 | Login
Dollares Amerika Dollares Amerika

TL Gasta Ona Fundu Petrolíferu Biliaun $10.6 Featured

DILI: Dadus uzu Fundu Petrolíferu Timor-Leste nian durante ne’e atinji ona biliaun $10.6. Osan hirak ne’e utiliza hodi finansia mákina Estadu inklui dezenvolvimentu nesesidade báziku povu nian liu husi Orsamentu Jerál Estadu (OJE).

Governadór Banku Central Timor-Leste (BCTL), Abrão Vasconcelos hateten, Timor-Leste nia fonte finansiamentu iha opsaun rua, ida maka orsamentu emprestimu no fundu petrolíferu.

“Agora daudaun ita gasta ona fundu petrolíferu biliaun $10.6”, dehan nia, iha salaun Forum Organizasaun Naun Governamentál Timor-Leste (FONGTIL), kaikoli-Dili, horisehik.

Ne’e duni, tuir nia, importante ba Timor-Leste atu halo agora daudaun maka oinsá halo planu di’ak hodi haree kustu deznesesáriu hodi evita ba presaun fundu petrolíferu demaziadu.

“Ita tenke iha pilihan ba investimentu infraestrutura sira tenke iha nia fonte finanseiru ne’e iha” tenik Abrão.

Tuir nia, asuntu sira ne’ebé presiza ko'alia ho Ministra Finansas no Primeiru Ministru atu bele haree maka esperiénsia nasaun seluk kona-ba diversifikasaun fundu petrolíferu.

Tanba Timor-Leste iha opsaun tolu, fundu petrolíferu, dívida esterna, no reseita doméstika. Ne’e duni, tenke aprende barak mós husi nasaun li'ur nian, tanba nasaun barak ne’ebé laiha riku-soin mina-rai sira ninia fonte orsamentu ne’e rua de'it maibé dezenvolvimentu sira nian lao ho di'ak.

Nia dehan, ne’e hanesan dezafiu boot ba governu, tanba hakarak haree lalais demanda boot la'o lalais presiza investe finanseiru boot mós.

Entretantu, kona-ba relatóriu trimestrál, Abrão dehan, prosesu transparénsia ne’ebé Banku Central jere, iha merkadu bele hetan favór ba rendimentu kuartél equity 12%. Valór ne’e pozitivu tebes, labele haree ba montante iha períodu valór investimentu ne’ebé relata.

Read 225 times
Rate this item
(0 votes)