Kinta, 27 Juñu 2019 | Login
Ministra Finansa, Santina Cardoso Ministra Finansa, Santina Cardoso

MF Garante Pagamentu Saláriu FP La’o Normál Featured

DILI: Ministériu Finansas garantia katak funsionáriu públiku sira sei simu salariu tuir oráriu normál. Ne’e duni, sei la akontese pagamentu tarde iha fulan ne’e nia laran.

Ministra Finansas, Santina Cardoso hateten, funsionáriu públiku sira fulan antes ne’e sei simu saláriu tarde tanba ministériu balun mak hatama relatóriu tarde, maibé iha fulan garantia sei simu tuir ninia tempu.

Maski nune’e, iha balun mós posibilidade sei simu tarde nafatin hanesan Ministériu Administrasaun Estatál (MAE) ho Ministériu Obras Publika no Transporte Komunikasaun (MOP) mak orsamentu tarde uitoan, tanba sira seidauk fo lista naran funsionariu, liuliu klasifikasaun nivel seidauk kompleta.

“Ita sei falta mak husi Ministériu Obras Publika (MOP) nia diresaun rua ka tolu hanesan ne’e, ho mós Ministériu Administrasaun Estatál (MAE). Agora daudaun ha'u seidauk cheek maibé kuandu tama ona entaun ami prosesa ona”, tenik nia.

Kona-ba fallansu ne’e tanba informasaun ne'ebé sira fó ba Ministériu Finansas atu hatama altersaun ba sistema mak tama informasaun tarde, entaun tenke prosesa fali sira seluk hodi avansa daudauk ona.

Antes ne’e, Komisária Funsaun Publika (KFP), Maria Olandina Caeiro hateten pagamentu saláriu ba Funsionáriu Públiku (FP) iha fulan Fevereiru posibilidade sei kontinua simu tarde tanba, ajustamentu saláriu ba funsionáriu sira seidauk remata.

Nune’e, iha fulan-Janeiru liubá, funsionáriu públiku sira labele simu saláriu tanba Governu sei halo hela ajustamentu hodi aumenta osan ba funsionáriu rejime jerál sira.  

Read 1101 times
Rate this item
(0 votes)