Tersa, 21 Maiu 2019 | Login
Ilustrasaun foto grupu arte marsial ataka malu Ilustrasaun foto grupu arte marsial ataka malu

KRAM: Laiha Dalan Reativa Arte Marsiál Featured

DILI: Komisaun Reguladora Arte Marsiál (KRAM) aprezenta rekomendasaun rua ba Governu relasiona ho reativa Grupu Arte Marsiál ‘proibidu’ hanesan Klibur Oan Rai Klaran (KORK), Ikatan Kera Sakti (IKS) no Persaudaraan Setia Hati Terate (PSHT).

Rekomendasaun dahuluk husi komisaun nian maka laiha dalan atu loke fila-fali grupu arte marsiál sira ne’e iha tempu agora.

 

"Laiha razaun daudaun ne'e atu fó oportunidade ba arte marsiál tolu ne’ebé taka ne'e atu loke fali”, dehan Sekretáriu Estadu Juventude Desportu (SEJD), Nélio Isac Sarmento ho ekipa KRAM, bainhira remata enkontru ho Prezidente Repúblika, iha Palásiu Prezidensiál, Bairru-Pité, horisehik.

Rekomendasaun daruak maka, Governu tenke foti desizaun ne’ebé klaru ba órgaun instituisaun Estadu sira ne’ebé envolve diretamente iha arte marsiál ne'e ho daudaun ne’ebé rigór. Husu mós ba Governu atu kria fasilidade di'ak ba grupu desportiva arte marsiál ninian.

Nélio hatutan, rekomendasaun hirak ne'e bazeia ba tinan sanulu nia-laran faktu sira ne’ebé akontese envolve arte marsiál sira.

Ita hotu hatene problema arte marsiál la'ós iha rai laran de'it, maibé ita nia joven sira lori problema ne’e to'o iha rai li'ur,” tenik nia.

Ne’e duni, rekomendasaun fundamentál liu husi Komisaun Reguladora Arte Marsiál maka tenke Implementa lei númeru 5/2017 ho rigór.

Tanba ne'e, desizaun polítiku nian hotu-hotu oinsá maka to'o tempu ida Governu sei introdús kona-ba problema implementasaun lei no karik iha hanoin ruma kona-ba arte marsiál tolu.

Read 288 times
Rate this item
(0 votes)