Sexta, 26 Abril 2019 | Login
Ilustrasaun dehan lae ba korrupsaun Ilustrasaun dehan lae ba korrupsaun

KAK-PDHJ-MP Tenke Servisu Makaas Kontrola Ezekusaun OJE 2019 Featured

DILI: Hafoin Prezidente Repúblika (PR), Francisco Guterres Lú Olo promulga lei Orsamentu Jerál Estadu (OJE) 2019 númeru 4/V 2019, husu ba Governu atu halo ezekusaun orsamentál ho di’ak no transparente.

Entretantu, Partidu Bankada FRETILIN, garante ba Komisaun Anti Korrupsaun (KAK), Providoria Direitu Umanu no Justisa (PDHJ) no Ministériu Públiku (MP) atu servisu makaas hodi kontrola ezekusaun Orsamentu Jerál Estadu (OJE) ne’ebé promulgadu.

Vise-Prezidente Bankada FRETILIN, Francisco Miranda Branco, agradese ba Prezidente Repúblika ne’ebé hala’o ona funsaun tuir Konstituisaun hodi promulga OJE.

Maski kontra desizaun Xefe Estadu nian kontra Bankada FRETILIN ninia hanoin maibé ne’e kompeténsia Prezidente Repúblika.

Ne’ebé hanoin kle'an tebes hodi muda situasaun ekonomia liu husi konsultasaun entidade hotu-hotu hodi hare ba problema sosiál, ekonomia no polítika hafoin halo desizaun ba promulgasaun ne’e.

Orsamentu promulgadu husi Xefe Estadu, Governu tenke garante boa ezekusaun. Tanba ne’e, instituisaun KAK, PDHJ no MP importante tebes atu hala’o nia funsaun hodi kontrola másimu ba orsamentu atu evita má jestaun.

PN tenke fó prioridade ba aprovasaun projetu Lei Anti Korrupsaun (LAK) hodi garante funsaun autoridade justisa nian ba kontrola ezekusaun orsamentu.

Tinan sia ona bainhira prosesa krime korrupsaun ruma uza de’it Kódigu Penál, maibé ne’e kleur loos ona artigu no alínea balun la apropriadu ona ho situasaun balun tanba ne’e presiza atualiza ona.

“Kódigu Penál kleur loos ona, krime mós akompaña evolusaun dezenvolvimentu, ita presiza iha lei anti korrupsaun rasik”, dehan nia.

Parlamentu Nasionál hanesan órgaun fisklizadora mós sei intensifika fiskalizasaun ba implementasaun orsamentu atu bele garante boa jestaun.

Read 437 times
Rate this item
(0 votes)