Domingu, 19 Maiu 2019 | Login
Ilustrasaun foto pistola Ilustrasaun foto pistola

Governu sei Sosa Arma 100 ba PSIK Featured

DILI: Governu liu husi Ministériu Justisa sei atribui pistola 100 ba membru Polisia Sientífiku Investigasaun Kriminál (PSIK). Prosesu sosa arma oras ne’e daudaun tama ona ba aprovizionamentu.

Polítika Governu nian sosa arma ne’e atu asegura membru PSIK sira bainhira ezekuta servisu, liuliu iha momentu halo buska no atuasaun hasoru kriminozu sira.

 

Ministru Justisa, Manuel Cárceres hateten, polítika sosa arma ne’e hetan aprovasaun husi Konsellu Ministru no prosesu tama ona ba akizisaun.

Polisia Sientífiku Investigasaun Kriminál ba halo atuasaun hasoru ema autór kriminozu, nia ba ho liman tanan sé mak atu garante nia seguransa”, tenik nia, iha salaun Ministériu solidariedade Sosiál no Inkluzaun (MSSI), Kaikoli, horisehik.

Manuel esplika, krime organizadu ne’e envolve ema barak, tanba ne’e presiza fó seguransa másimu ba órgaun sira ne’e liuhusi arma atu bele fó seguransa ba ninia-aan rasik iha sosiedade nia leet.

Antes atu deside sosa pistola, Governu tetu ona buat barak, inklui halo kritériu ne’ebé rigór iha uzu arma nian, tanba servisu PSIK nian liga ba kombate krime oioin.

Ne’e duni, iha futuru maka membru PSIK utiliza sala arma sira ne’e maka ninia konsekuénsia maka sei ba hataan iha justisa no bele hasai husi servisu.

Iha fatin hanesan, Diretór Nasionál PSIK, Vicente Fernandes de Brito hatete, iha planu ba tinan 2019 sei aloka orsamentu rihun $100 atu hola arma hamutuk 100 hodi asegura servisu membru PSIK nian.

Membru PSIK efetivu hamutuk 119, maibé inklui mós rejime jerál 14 hanesan ema baibain no restu mesak PSIK no servisu iha laboratóriu nian.

Read 121 times
Rate this item
(0 votes)