Domingu, 19 Maiu 2019 | Login
Dezastre Siklone, bee tama uma kauza husi udan boot iha Munisipiu Lautem. Foto Tatoli Dezastre Siklone, bee tama uma kauza husi udan boot iha Munisipiu Lautem. Foto Tatoli

Dezastre Siklone, Na’in Tolu Mate iha Leste no Kosta Sul Featured

DILI: Dezastre Siklone ne’ebé akontese iha Austrália, semana kotuk, afeta makaas mós ba Timor-Leste. Husi akontesimentu ne’e rezulta ema na’in tolu mate iha área kosta súl no leste.

Vítima na’in tolu ne’ebé mate husi Munisípiu Lautem, Vikeke no Manufahi. Vítima iha Lautem tanba bee tama uma. Vikeke tanba ai hanehan uma, nune’e iha Manufahi mota maka lori. Akontesimentu ne’e mosu iha semana ida nia-laran.

Xefe Gabinete Sekretáriu Estadu Protesaun Sivíl (SEPS), Francisco Martins da Silva hateten, Dezastre Siklone ne’e mós hamosu rai halai, bee sa’e, estrada kotu, no anin sobu uma. Barak liu vítima sira ne’e rejista husi parte kosta súl no leste.

Estrada ne’ebé hetan estragu maka hanesan diresaun Lospalos-Dili, Natarbora-Same, no Watulari-Iliomar.

Ponte no estrada ne’ebé kotu ekipa Ministériu Obras Publika mós tun ona iha terrenu hodi hadi'a tuituir estrada sira ne’ebé kotu hodi fasilita movimentu transporte públiku.

Nune’e dezastre udan boot akompaña ho anin ne’e estraga mós uma balun iha Baukau, Manufahi, Vikeke, Manatutu no Lautem.

“Sira ne’ebé hetan impaktu husi dezastre ne’e maioria hetan ona apoiu emerjénsia husi Governu”, dehan Francisco iha knaar fatin, Kaikoli, horisehik.

Seidauk iha serteza totál númeru vítima iha territóriu Timor tomak, ne’e duni oras ne’e daudaun Governu liu husi servisu inter-ministeriál inklui Cruz Vermelha Timor-Leste (CVTL) no ajénsia sira seluk hodi halo identifikasaun no fó apoiu emerjénsia ba vítima sira.

Read 110 times
Rate this item
(0 votes)

About Author