Kinta, 27 Juñu 2019 | Login
Presidente Paritidu Demokratiku, Mariano Sabino hamutuk ho Musulmanu sira iha Timor-Leste selebra loron Idul Fitri, iha loron 5 Junho 2019 Presidente Paritidu Demokratiku, Mariano Sabino hamutuk ho Musulmanu sira iha Timor-Leste selebra loron Idul Fitri, iha loron 5 Junho 2019

Desizaun La Baibain: Idul Fitri iha 5 Juñu, Feriadu iha 6 Juñu Featured

DILI: Governu Timor Leste ne’ebé lidera husi Primeiru Ministru Taur Matan Ruak foti desizaun ne’ebé “la baibain” ba feriadu idul fitri. Selebrasaun loron boot musulmanu ne’e monu iha 5 Juñu maibé feriadu ba loron ne’e monu iha 6 Juñu.

Tuir deklarasaun husi Ministru Reforma Lejislativa no Asuntu Parlamentar (MRLAP) Fidelis Leite Magalhães, governu deside ona iha enkontru Konsellu Minisru katak Timor Leste sei feriadu iha loron 6. Tanba loron ida ne’e mak Komunidade Musulmanu iha TL sei selebra loron Idul Fitri.

Normalmente, haree ba nasaun seluk, liu-liu Indonezia, desizaun ba feriadu loron boot musulmanu nian foti hafoin governu ne’ebé reprezenta husi Ministru Relijiaun realiza sesaun kongregasaun islamika ida ho reprezentante musulmanu sira. Iha tinan 2019, sesaun ne’e realiza iha 3 Juñu, no deside loron idul fitri monu iha 5 Juñu 2019.

Ba kestaun ne’e, deputadu Bankada FRETILIN Joaquim dos Santos hatete, kada tinan molok governu atu deside feriadu ba loron idul fitri sempre rona responsavel Musulmanu iha TL.

“Ha’u la hatene governu hatur loron 6 mak feridu antes ne’e rona ona komunidade musulmanu sira ka lae,” dehan deputadu ne’e iha plenaria Parlamentu Nasionál, foin lalais.

Tanba, nia hatete, selebrasaun loron idul fitri ne’e nunka permante.

Deputada FRETILIN seluk, Lidia Norberta triste tanba ho desizaun governu ne’e musulmanu balun ne’ebé sai nu’udar funsionariu públiku kontinua serbisu, nune’e sira labele ba hasa’e orasaun iha meskita.

“Ha’u la komprende, governu sira uluk ne’e la halo failansu hanesan ne’e tanba saida mak VIII governu foti desizaun la bazeia ba situasaun real ema musulmanu sira nian?,” deputada ne’e kestiona.

Entretantu, Prezidente Bankada CNRT Duarte Nunes dehan, desizaun feriadu iha loron 6 ne’e governu fiksa ona iha fulan Janeiru 2019.

“Ha’u la hatene ita iha Timor foti kestaun ne’e tanba saida, kuandu tuir lei governu mak iha kompetensia atu fiksa loron feriadu ne’e,” dehan nia.

Hatan ba razaun governu la konsulta ho reprezentante musulmanu, deputadu ne’e dehan governu mak iha kompotensia atu esplika.

Read 238 times
Rate this item
(0 votes)