Sábadu, 14 Dezembru 2019 | Login
Sede Municipio Distrital Dili Sede Municipio Distrital Dili

Prezidente Autoridade Munisípiu Dili Hirus Xefe Suku Featured

DILI:  Prezidente Autoridade Munisípiu Dili Gaspar Soares hirus Xefe Suku Villa Verde tanba la kontrola populasaun  sira ne'ebé enfrenta problema hamlaha.

Gaspar  hirus xefe suku no xefe aldeia Villa Verde tanba  Komunidade sira hatoo direita situasaun ne'e ba Prezidente Repúblika (PR) Taur Matan Ruak iha Diálogu komunitaria entre  Suku 4 iha Munisipál-Dili Segunda (30/01).

“Ha'u hakarak bolu atensaun ba aman liurai Villa Verde no Xefe Aldeia kona ba situasaun ida ne'ebe komunidade sira hateten katak hamlaha.  Hau hirus tanba ne’e hatudu katak xefe Suku no xefe aldeia la hakbesik-aan ba komunidade,” dehan Gaspar.

Gaspar husu atu iha futuru labele akontese tan tanba situasaun hanesan akontese ona iha Atauro iha tempu passadu.

“Uluk situasaun hanesan ne’e, akontese mos iha Atauru. Hau hirus tanba ida ne’e hatudu katak ita la fo atensaun ba komunidade nia moris,” Gaspar konta tuir.

Iha fatin hanesan Komunidade husi Aldeia Mate Moris Suku Villa Verde Maria de Araujo  iha diálogu nee hateten, oras ne’e  daudaun sira enfrenta hela hamlaha  tanba udan mai, aihan ne’ebe sira kuda  mate hotu.

Tanba ne’e, Maria husu ba Prezidente da Repúblika (PR) Taur Matan Ruak atu hare kestaun ne’e ho klean no husu mos  ba Ministériu  relevante hodi fó atensaun sériu. 

Read 2027 times Last modified on Kuarta, 01 Fevereiru 2017 16:01
Rate this item
(0 votes)

About Author