Sexta, 10 Abril 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-04-08&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Prosesaun viasakra Prosesaun viasakra

Mensajen Paskua: Labele Tan Osan Fa’an Klamar

DILI: Tinan rihun 2 resin ba kotuk, Nia ne’ebé Na’i hili moris iha ema-nia leet. Koko atu dada fila fali ema ne’ebé monu dook ona ba sala. Nia sakrifika an hodi mate iha Kruz atu salva nia aman nia illas iha mundu.

Iha loron ne’ebé Nia moris hias husi mate sai nudar baze ba fiar sarani Katolika nian. Jejus Kristu ne’ebé moris nudar ema iha Jeruzalen haklaken Nia An nudar Maromak bainhira Nia halakon mate.

Iha fulan Abril nia laran, sarani iha mundu tomak selebra festa Paskua hodi hanoin hikas Na’i ne’ebé moris, terus, mate no moris hias.

Iha Timor-Leste, sarani sira selebra mós festa ida ne’e. Tuir observasaun jornalista jornál INDEPENDENTE iha misa kalan Paskua nian Igreja Motael, sarani rihun ba rihun nakonu iha area Igreja no jardin, okupa estrada diresaun praia kokeirus to’o otel Timor.

Amu Parokia Igreja Motael, David Alves da Conceicão iha nia omilia hatete, Paskua hanesan loron ne’ebe Jesus mate no terus iha Kruz tanba ita ema-nia sala.

Tanba ne’e, nia husu ba sarani hotu atu iha tempu paskua idaidak halo reflesaun ba ninia an hodi hanoin hikas sala hirak ne’ebé nia halo ona, arepende no soe sala hirak ne’e hodi hakat ba moris foun.

“Husik hela sala ne’ebé durante ne’e ita halo no hahú fali ho moris foun ne’ebé nakomu ho fiar,” dehan Padre David.

Amu ne’e husu ba sarani Katolika sira atu labele monu ba tentasaun no manobra husi relijiaun seluk ne’ebé hahú tama barak iha Timor-Leste.

“Ohin loron relijiaun barak mak mai koko sarani Katolika sira-nia fiar ho osan, halo promesa falsu ne’ebé la tuir Maromak nia planu,” katak nia.

Padre Parokia ne’e husu ba sarani sira atu mantein nafatin fiar ba Maromak.

“Ema bele lori murak-mean mundu nian hodi habosok ita-nia matan, maibé ita-nia neon tenke metin iha Igreja Katolika, ita labele fa’an ita-nia klamar hodi muda tun-sa’e ita-nia fiar,” nia apela.

Iha fatin ketak, Padre Parokia Imaculada Conceicão Balide, Adriano do Nasimento tanba osan ema hadook an ona husi Maromak no viola tiha justisa umanu.

“Ita haree iha ita-nia vida ita labele nega sira ne’ebé esforsu tanba osan, tanba osan ita faan maluk seluk nia direitu no dignidade, tanba osan ita lori lia falsu ba maluk seluk, tanba osan ita halo buat a’at oioin hodi estraga ita nia an rasik nudar Maromak nia horik fatin. Tanba osan ita viola tiha justica umanu. Maibé ita labele haluha katak Judas mós koopera iha planu salvasaun umanidade nian,” katak Padre Adriano iha ninia omilia iha selebrasaun misa Sesta-feira Santa iha Parokia Balide, Sesta (14/04).

Amu Adriano dehan, karik Judas la fa’an Jesus sei laiha salvasaun. Hahalok ida ne’e mós hatudu husi Pedro ne’ebé hadomi tebes Jesus maibé ikus mai halai sees no nega Jesus.

“Iha mundu ohin loron kaben-nain barak mak promete ba malu katak sira hadomi malu to’o mate maibé ikus mai domin ne’e mihis. Jura no promete lori ibun-tutun de’it maibé fuan no laran dook ba malu,” dehan Amu ne’e.

Husi hahalok sira ne’e, nia dehan, Jejus fó ninia vida tomak hodi salva mundu atu keta monu ba hahalok sira ne’e, maske nune’e dala-barak ema la sente saida mak Jejus halo.

“Iha maun-alin barak mak jura hemu ran hodi fiar ba malu iha tempu ne’ebé de’it. Maibé iha situasaun ruma defisil sira fa’an no nega malu hanesan mós Judas halo ba Jejus,” dehan nia. 

Read 1023 times
Rate this item
(0 votes)

About Author

MidAd1