Domingu, 21 Jullu 2019 | Login
Fridelino Mate “Ministeriu”, Familia La Simu

Fridelino Mate “Ministeriu”, Familia La Simu

DILI: Familia boot hosi matebian, Agente Polisia Nasional Timor–Leste (PNTL),  Fredelinu Amaral  lamenta ho matebian nia mate ne’ebé hosik hela “misteriu boot” duvidas ba familia sira. 

Matebian Fredelino Amaral mate deskunfia “tiru aan” hafoin hame tua hamutuk ho nia kolega sira iha área Bairu-Pite,Postu Administrativu Don Aleixo Muinisipiu Dili  iha loron (01/01) tuku 07 dadeer. 

Reprezentante Familia, João Amaral hato’o lia hirak ne’e bainhira hala’o seremonia funeral ikus iha simiterio Kakau Lidun hatete, familia sira trsite bainhira lakon oan ne’ebé husik hela nia espoza ho oan na’in ida. 

“Ami familia triste bainhira lakon ami nia oan ne’ebé deskofia oho aan,”dehan João Bainhira hato’o lia ikus iha, Kuarta (4/1).

Parte familia husu ba polisia tenke investiga klea’an ba kazu ne’e hodi labele hosik hela duvida boot ba familia. 

Iha fatin ketak, Segundu Komandante PNTL Munisipiu Dili Superintendenti Assistenti, Euclides Belo dehan, tinan foun ne’e lori tristeza bo’ot ba PNTL tanba nia ajente ida deskonfia tiru aan.

“Ami lakon ami nia ajente ida ne’ebé servisu iha sentru formasaun Polísia mate iha familia nia uma deskonfia tiru aan.” tenik Euclides

Nia haktuir, komandu PNTL munisipiu Dili halo hela promosaun ba prosesu ne’e sedu ou tarde bele hala’o ona autopsia para bele hatene lolos kauza hosi kazu ne’e nia tiru an duni ka iha fali mutivu seluk.

Kronolozia ne’ebé diariu ne’e hetan iha fatin akontesementu katak, mate bian ba ho motór Vixon kor mean ho númeiru matrikula F.1829 para hela besik fatin nia mate ba no nia tun sei ka’er liman ho joven sira balun hodi hemu tua hamutuk depois nia lao tesik ba sorin hodi la kleur rona nia mate.

Akontesementu ne’e akontese iha loron Domingu (01/01) tuku 07 dadeer mate bian hetan kanek iha área ulun parte karuk no pistola musan borus ba ulun parte loos, vitima ne’e tama polísia durante tinan tolu ona.

Read 483 times
Rate this item
(0 votes)