Sábadu, 07 Dezembru 2019 | Login
Deputadu sira iha Parlamentu Nasional Deputadu sira iha Parlamentu Nasional

Deputadu Leonel Lamenta Ospitál Manufahi Laiha Fasilidade

DILI: Ospitál Referal Munisipiu Manufahi kondisaun la favoral ona atu utuliza hodi fó atendimentu ba públiku tanba  fasilidade laiha ona kondisaun.

Tuir observasaun no viskalizasaun membru komisaun F ne’ebé trata asuntu saude no edukasaun deputadu Leonel Marcal katak durante ne’e governu esforsu aan tomak hodi investe makas iha setor saude maibé, realidade dadaun ne’e iha terenu la justifika politika governu Timor-Leste ne’ebé reve ona iha planu dezenvolvimentu nasionál (PDN).

Realidade hatudu, Deputadu ne’e dehan, kondisaun iha ospital referral munisipiu Manufahi hanesan armari rai hahan ,kadeira no kama,haris fatin inklui infra-estruktura  no makina sira ne’e at ,  tohar   fruzen hotu  ne’ebé prejudika atedimentu saúde ba pasiente sira.

“Hau hare ospitál ne’e hanesan uma abandonadu ida ne’ebé la utiliza ona mas kontinua uza,”dehan nia liu husi Plenaria PN-Horisehik.

Nia dehan, pesoal saude iha Ospitál Manufahi dehan katak durante ne’e halo ona rekizasaun para atu husu fasilidade atu troka maibé to’o ona tinan rua resin la iha resposta husi Ministeriu Saúde.

Tanba ne’e, nia husu ba Ministeriu Saude atu atende urizente ba hadia kondisaun hospital manufahi hodi bele fasilita nesesidade publiku.

 

Read 539 times Last modified on Kuarta, 01 Fevereiru 2017 16:43
Rate this item
(0 votes)

About Author