Print this page

La'en Baku Feen tan Ko'alia ho Mane Seluk Featured

By Martinha Gusmao Marsu 10, 2019 5414
Ilustrasaun La'en baku Feen. FOTO: Banyuwangi Terkini. Ilustrasaun La'en baku Feen. FOTO: Banyuwangi Terkini.

DILI: Problema ki'ik dala-ruma bele nakfilak sai problema boot bainhira la kompriende malu satan emosaun no alkol domina ona parte ida. Ida ne’e mak akontese ba feen ho la'en ida ne’ebé hela iha área Bekora.

Iha loron 1 Agustu 2014, tuku 11:00  kalan Otl,  arguidu fila mai uma ho kondisaun lanu todan rakut ledaza nu'udar feen nia fuuk  tanba deskonfia ko'alia ho mane seluk iha sábadu kalan too dadeer.

Tuir akuzaaun husi Ministériu Públiku, Lezada  FS ho arguidu TM nu'udar feen ho la'en iha tinan 2004 iha oan tolu ona.

Bainhira arguidu fila ho kondisaun lanu, Lezada dehan la ko'alia ho mane seluk tanba momentu ne’e mane ne’ebé nia deskonfia ne’e iha munisípiu Ermera.

Hafoin ona tiha lezada ko'alia, arguidu tuku no lees kedas  lezada nia ibun no hatama liman fuan boot hodi rasta  sai lezada nia nanal no tuku nia matan fukun iklui riba ba rai.

Ho nune’e, Lezada la tahan agresaun arguidu nia, lezada halai ba nia biin sira nia uma hodi keixa ba iha eskuadra Polisia Bekora.Lezada kontinua ba halo tratamentu iha Ospitál Nasionál Guidu Valadares.

Arguidu halo nia agresaun hasuru lezada ho razaun tanba lanu.

MP Akuza arguidu TM komete koa autór ho forma konsumadu ba  krime violénsia doméstika  forma ofensa integridade fíziku simples ne’ebé previstu iha arguidu 145 husi kódigu penál.

Iha loron 07 Falan-Marsu, Arguidu ho inisiál TM la marka audiénsia Julgamentu Iha Tribunál. Tan ne’e Tribunál adia julgamentu ba loron 29 fulan-Maiu 2019.

Tuir informasaun husi Ofisial justisa katak arguidu kleur ona muda fatin sein informasaun husi Tribunál. Tan ne’e Tribunál   husu informasaun ba  lezada   kona ba arguidu nia paradeiru agora daudaun atu halo notifikasaun.

Maibé, Lezada dehan, lahatene nia hela fatin tanba hafoin akontesimentu sira na'in rua separadu (fahe malu).

Audiénsia julgamentu ne’e prezide husi juis Singulár Albertina Neves. Ministériu Públiku reprezenta husi prokuradór Bartolomeu de Araújo no arguidu hetan asisténsia legál husi defensór Públiku, Rui Guterres.

Rate this item
(0 votes)