×

Atenção

JUser: :_load: Não foi possível carregar usuário com ID: 428

JUser: :_load: Não foi possível carregar usuário com ID: 425

Negosiante Timoroan iha Trotoar Leten

By Fevereiru 09, 2017 1317
Negosiante kiik ne'e fa'an nia sasan iha trotoar leten Negosiante kiik ne'e fa'an nia sasan iha trotoar leten

DILI: Tanba de’it fatin negósiu la iha, no nesesidade uma laran la sufisiente, negosiante ki'ik balun kontinua obriga aan fa’an nafatin sasán iha trotoar leten.

Tuir negosiante ambulante Maria Alda Soares ne’ebé fa’an sasán iha trotoar leten parte Audian hateten katak, sira hatene governu bandu, maibé problema ba sira la fa’an sasán susar atu hetan osan sustenta uma laran.

Maria dehan, dala ruma parte Jestaun Merkadu Munisipiu Dili halo operasaun sira tenke halai salva sasán.

“Ha’u hanesan negosiante ha’u preokupa liu mak sira jestaun merkadu sira mai ne’e la husu halo didi’ak mai ho saruntu tula ami nia modo sira ne’e ba karreta no balun sira soe arbiru iha estrada laran,”dehan Maria ba INDEPENDENTE iha Audian, horisehik.

Iha fatin ketak, negosiante Bairupite, Rita Pereira hatete, ema boot sira  ko’alia fasil, tanba sira iha osan, maibé povu ki'ik moris arraska, tenke buka moris liu hosi fa’an sasán.

“Kuitadu, ha’u ho ha’u nia kaben mak la fa’an  sasán, ami atu uza saida maka sosa sasán, no ajuda selu oan sira nia eskola,” dehan Rita ho lian triste.

Entretantu Negosiante Komoro Moris Foun, Aguida Pereira Barros hateten, sira agora fa’an modo iha tempu loko raik no sempre atensaun ho operasaun jestaun merkadu ho polisia.

Antes ne’e Prezidente Autoridade Munisípiu Dili Gaspar Soares husu ba negosiante karosa bele fa’an sasán, maibé labele taka dalan públiku nian.

Nia dehan, Dili la’ós aspetu Munisípiu de’it, maibé Dili mós sai hanesan kapitál nasaun nian. Ne’e duni komunidade sira tenke tau dignidade hanesan Dili Kapitál Nasaun.

           

 

 

 

 

Rate this item
(0 votes)

Independente Digital TV