×

Atenção

JUser: :_load: Não foi possível carregar usuário com ID: 422

JUser: :_load: Não foi possível carregar usuário com ID: 424

Negosiante 87 % Susesu iha Negósiu

By Marsu 17, 2017 4007
Ministru Agrikultura no Peskas Estanislau da Silva Ministru Agrikultura no Peskas Estanislau da Silva

BAUCAU:    Ministru Agrikultura no Peskas Estanislau da Silva sente kontente ho negosiante iha Timor Laran tomak ho persentazen kuaze 87 % hetan susesu iha area negósiu.

 “Ha’u kontente tebes tanba iha negosiante 87 % hetan susesu iha negosiu  no aagora halo pagamentu final ”, dehan Estanislau ba Jornalista iha salaun Centru Dezenvolvementu  Emprezarial (CDE) munisipiu Baucau, Kuarta(15/03).

Estanislau dehan lia hirak nee iha workshop ne’ebé realiza husi Ministeriu Estadu Koordenador Asuntu Ekonomiku (MECAE) liu husi Unidade Seitor Privadu ho Tema ‘Hakbiit konesimentu Grupu kiik liu husi formasaun ba planu negosiu, jestaun  no oinsa asesu ba kreditu ba grupu benefusiariu’.

Objektivu husi worshop nee atu partilla  informasaun ba grupu benefisiariu no parte interesadu kona ba asesu finanseiru husi banku komersial hanesan BNCTL.

Nunee mos  hasae konhesimentu  kona ba planu negosiu  no jestaun negosiu hodi bele atinji metas Governu ne’ebe konsagra iha matadalan ba reforma ekonomia.

Ida ne’e programa Governu nian hodi kapasita empreza kiik sira, agora ne’e espesifika  liu tanba tinan kotuk Gabinete halo koordenasaun ho apiu ba  negosiante ne’ebe halao atividade iha munisipiu ne’e.

Tanba ne’e liu husi servisu hamutuk ho organizasaun  Institutu Apoiu Dezenvolvimentu Emprezarial (IADE), ne’ebe fó treinamentu, SERVE rezista no mos husi BNCTL fo informasaun no  kreditu ba negosiu kiik.

Estanislau hateten, Sestu Governu Konstitusional la kleur tan sei  aprova dekretu lei ida kona ba garantias bankada atu nune’e  bele haforsa liu tan no banku sira bele  habelar kreditu no asesu kreditu ba iha Benefisiariu kiik sira.

Iha fatin hanesan, Presidente Autoridade Munisipiu Baucau Antonio Guterres  sente orgollu tebes liu husi kooperasaun ho MECAE  ne’ebe realiza workshop hodi halo planu ba negosiu kiik sira hodi asesu kreditu ba negosiu privadu no oinsa atu hasae kapasitasaun ba benefisiariu.

Tanba ne’e IADE esforsu an ho nia parseiru hotu atu fasilita benefisiariu atu bele asesu no hodi bele hela ho kapasidade iha area ekonomia ba iha seitór privadu.

Iha planu estrateziku  dezenvolvimentu Timor Leste realiza dezenvolvimentu ekonomia no redus pobreza liu husi fortifika seitór Privadu.

Iha Workshop ne’e partisipa husi reprezentante IADE, Banku Nasional Comersiu Timor Leste (BNCTL), Servisu Rezistu no Vertifikasaun Emprezarial (SERVE) no Camara  Comersiu no Industria Timor Leste(CCITL).

Rate this item
(0 votes)

Independente Digital TV