MEPKM Aloka Tokon $1 Selu Dívida TT-EDTL Featured

By Artur da Luz Setembru 05, 2018 6641
MEPKM Hermenegildo ‘Agio’ Pereira MEPKM Hermenegildo ‘Agio’ Pereira

DILI: Ministériu Estadu Prezidénsia Konsellu Ministru (MPKM) propoin osan hamutuk tokon $3.6 ba Orsamentu Jerál Estadu (OJE) 2018 nian. Husi totál ne’e, aloka tokon $1 hodi selu dívida ba kompañia Timor Telecom (TT) no Eletrisidade Timor-Leste (EDTL).

Pagamentu ba kompañia TT hamutuk rihun $200 no ba EDTL $800, inklui kompañia telekomunikasaun Telkomcel ne’ebé halo dívida iha governu anteriór.

Estimasaun MEPKM husi totál orsamentu tokon $1 aloka ba verba kapitál menór hodi responde nesesidade ministériu foun sira hanesan Ministériu asuntu Antigu Kombatente Libertasaun Nasionál, Ministériu Ensinu Superiór, sosa ambulánsia ba Rejiaun Autónoma Espesiál Oekusi-Ambenu, no seluk tan.

Entretantu restante aloka ba saláriu no vensimentu, bens no servisu no mós ba transferénsia publika.

Ministru Estadu Prezidénsia Konsellu Ministru, Hermenegildo ‘Agio’ Pereira hateten, orsamentu ne’e nesesáriu tebes ba MEPKM hodi halo pagamentu.

Nune’e, iha orsamentu ne’e haforsa instituisaun mákina Estadu ba durante fulan haat nia laran. Orsamentu ne’e mós halo reabilitasaun ba edifísiu PKM nian ne’ebé durante ne’e mosu problema iha tempu udan.

Entretantu, Deputadu Bankada FRETILIN, Antonino Bianco hateten, Governu presiza halo komparasaun ba dívida sira EDTL iha 2016 ho 2017 nian tanba montante orsamentu ne’e rasik diferente tebes.

Tanba ne’e, Deputadu ne’e haktuir katak Governu presiza halo estimasaun ba OJE 2018 ne’ebé ezekuta iha tempu badak nia laran.

Rate this item
(0 votes)

Independente Digital TV