Print this page

Horta Lori “Investór Kafé” husi Xina Hasoru PM Taur Featured

By Artur da Luz Abril 02, 2019 6955
Eis PR Ramos Horta aprezenta Emprezáriu Honkong Ba Primeiru-Ministru Taur Matan Ruak. FOTO: GPM Eis PR Ramos Horta aprezenta Emprezáriu Honkong Ba Primeiru-Ministru Taur Matan Ruak. FOTO: GPM

DILI: Premiadu Nobel da Pas no eis Prezidente Repúblika, José Ramos Horta, aprezenta emprezariu husi Hong Kong, Xina ba Primeiru Ministru Taur Matan Ruak.

Emprezariu ho naran Michael Ohon husi Xina ne’e hetan konvite husi Ramos Horta hodi mai haree situasaun iha Timor Leste no bele haree mós posibilidade atu halo investimentu, liu-liu iha industria kafé.

Hafoin akompaña enkontru entre PM Taur ho Michael, Horta dehan, enkontru ne’e atu troka ideia kona-ba promosaun ba kafé Timor iha Hong Kong.

Horta dehan, iha Kinta semana kotuk, emprezariu ne’e to’o iha Timor Leste no dezloka kedan ba Railaku, Ermera hodi haree kafé iha fatin refere.

"Nia hakarak oinsá dada emprezariu sira seluk atu investe iha industria kafé no área turizmu iha ita-nia laran," dehan Ramos Horta ba jornálista sira iha iha palásiu Governu, Sesta (29/3).

PM Taur apresia ho idea husi emprezariu ne’e. Espera katak iha rezultadu hodi dezenvolve setór agrikula liu-liu kafé.

Premiadu nobel da pas ne’e dehan, nu’udar sidadaun nia iha obrigasaun ida atu oinsa atu apoiu governu hodi halo negosiasaun ho emprezariu sira husi rai li’ur, haburas estabilidade rai laran, liu-liu dezenvolve setór ekonomia rai laran liu husi industria ba produtu lokal sira.

Tuir planu, Ínvestor ne'e sei konvida membru governu sira partisipa iha serimonia boot iha Hong Kong hodi aprezenta rekursu naturál iha ne'ebá, atu atrai Ínvestor sira hodi loke investimentu ba produsaun oin-oin.

Rate this item
(1 Vote)