Sexta, 06 Dezembru 2019 | Login
Membru Federasaun Motór Kros Timor-Leste (FMK-TL)  Membru Federasaun Motór Kros Timor-Leste (FMK-TL)

FMK-TL Aprova Lei Regula Atividade Motocross

DILI:  Membru Federasaun Motór Kros Timor-Leste (FMK-TL)  aprova ona lei foun ba atividade motocross iha Timor-Leste.

Lei ne’e hetan aprovasaun, hafoin Prezidente FMK-TL no membru   klube 28 hala’o diskusaun kle’an  liu hosi reuniaun asembleia jerál hodi  aprova lei ne’e.

Lei ba atividade motocross ne’e rasik, FMK-TL  halo bazeia ba esperiénsia lei hosi Indonézia ho haree tuir modelu lei Federasaun Motór Internasionál (FIN) hodi adapta iha rai laran.

“Ami aprova lei atu halo regulamentu ba Federasaun motocross ne’ebé aplika husi lei Indonézia no Federasaun Internasionál (FIN) nian, Lei hirak ne’e mak ami kondís fali ho situasaun real Timor-Leste nian, ami aprova mós kalendáriu ba eventu seri ba tinan ne’e no mós relatóriu orsamentu nian,” dehan Vise I Prezidente FMK-TL, Hélder Vieira Aniceto, ba INDEPENDENTE iha Vila-Verde Dili, horisehik.

Hélder dehan, sira mós halo re-estrutura saun ba estrutura ezekutivu federasaun nian. Tanba iha membru ezekutivu sira balun la ativu.

Iha estrutura sesante, Prezidente FMK-TL maka,  Longuinhos Monteiro, I Vise Presidente Hélder Viera Aniceto, Vise II Prezidente João Madeira, Sekretáriu Jerál Vitaliano Loeng, Vise Sekretáriu Jerál José Virgílio no Tezoureiru, Tita Manezes.

Lei foun ba divizaun hirak ne’ebé troka mak hanesan, juri, garis star, pedot, no mós xefe sirkuitu.

Depois Bandeira flekep, seguransa no mós komisaun organizadora, inklui mós sira seluk ne’ebé mak la temi.

“Divizaun hirak ne’e ami troka foun no hakur malu ho tuan balun,” tenik nia.

Nia dehan, tinan ne’e seri sei realiza eventu motór kros dala 6 no seidauk inklui naun seri. Ne’e duni sei haree ho kalendáriu ne’ebé iha ligasaun ho loron nasionál hodi koloka ba eventu non seri ne’e.

FMK-TL defie klasifikasaun eventu motocross haree ba kategoria nasionál, Timoroan de’it no internasionál bele Timoroan no bainaka sira hosi rai li'ur.

FMK-TL sei realiza eventu motocross iha loron domingu hodi haree ba kategoria

 50cc, 55cc, 85cc, 250cc depois ho klas destres, ida ne’e ami sei halibur poin husi seri ida ba too 6.

Ba kroser internasionál sira ne’ebé atu mai partisipa iha eventu bolu klase Open Internasionál.

Iha Lei hakerek dehan, kuandu kroser ruma mai husi liur mínimu liu tenke na'in tolu, hamutuk iha seri ninia laran, maibé sira la tama iha reis ne’ebé seri nian hodi hasai pontus.  

Read 649 times
Rate this item
(0 votes)

About Author

MidAd1