Sexta, 06 Dezembru 2019 | Login
Logo FFTL Logo FFTL

FFTL Tenke Realiza Kongresu ba Dezenvolvimentu Desportiva

DILI :Federasaun Futeból Timor-Leste (FFTL) tenke realiza lalais kongresu atu halo mudansa ba estrutura hodi halo dezenvolvimentu desportiva.

Observadór Francisco Magalhães hateten, problema hirak ne’ebé akontese, ema iha FFTL laran  hatene  hotu ona. Tanba ne’e atu dezenvolve área desportu tenke troka ema sira ne’ebé tuur iha estrutura.

“Kuandu ita la iha inisiativa, ita sei la rezolve problema. Tanba ne’e ha’u fó sujestaun se bele FFTL servisu hamutuk ho entidade hotu ne'ebé hadomi bola hodi halo mudansa, tanba ita hakarak dezenvolve futeból ba oin,” dehan Francisco ba jornalista sira iha iha Pateo Kolmera-Dili, Sábadu (26/03). 

Problema hirak ne’e akontese normál, maibé presiza atu hadi'a no tenke rona ideia husi ema seluk hodi nune’e bele fó solusaun.

Bainhira FFTL lakohi atu tuur hamutuk ho LFA no Sekretáriu Estadu Juventude Desportu (SEJD), klaru sei iha impaktu. Tanba SEJD reprezenta povu atu halo intervensaun ba ida ne’e.

Iha parte seluk, Portavós FFTL Octaviano Cristóvão hateten, iha fulan hirak  kotuk enkontru ho SEJD no hateten sai ba públika katak, kongresu sei realiza iha fulan Abríl oin. Maibé nudar tékniku prepara ona kondisaun hotu-hotu ba kongresu.

Octaviano dehan, tuir estatutu FFTL hatene, úniku prezidente federasaun de’it mak iha kompeténsia absoluta atu deside data ba kongresu.

Ne’e duni federasaun nia kongresu bele realiza bainhira AFC hala’o ona ninia kongresu iha fulan Maiu tinan ne’e.

Bainhira kongresu AFC remata maka FFTL hanesan organizasaun ne’ebé hamahan an ba. Ne’e duni se FIFA hato’o proposta ba kongresu federasaun nian, depois hetan autorizasaun husi AFC maka foin bele hala’o kongresu refere.

Provizioriamente, atu dehan deit katak, to’o oras ne’e seidauk iha data fiksu maibé kabe kompeténsia Prezidente Federasaun atu deside no depende mós a kongresu SFC ne’ebé sei hala’o iha fulan Maiu.

Read 660 times
Rate this item
(0 votes)

About Author