KOMPAS.com fo sai katak, Rúsia afirma ho momoos katak to’o agora Iraun la husu asisténsia militár husi aliadu sira Moskovu nian,hato'o husi porta-vós Palásiu Prezidensiál Rusia nian, Dmitry Peskov, ba jornalista sira iha Kinta-feira (5 Marsu 2026), ne’ebe fo sai liuhusi AFP.
Hanesan fó sai ona antes, relasaun diplomátika sira entre Rúsia no Iraun agora daudaun iha hela eskrutíniu maka'as hafoin atake boot ida husi EUA no Israel hasoru Iraun.
Tanba tuir loloos, líder Supremu Iraun nian, Ayatollah Ali Khamenei, mate iha atake EUA no Israel nian, Noskovu bele apoiu ona forsa militar ba Iraun nu’udar aliadu besik Moskovu nian.
Rúsia esklarese kona-ba akordu ho Iraun ba dame nian la serteja atu apoiu halo funu.
Limitasaun Tratadu nian: Formalmente, Rúsia la iha obrigasaun atu defende diretamente Iraun. Maski sira na'in rua asina akordu parseria estratéjiku ida iha fulan-Abril 2025, akordu ne'e laiha kláuzula ida kona-ba defeza mútua.
"Ha'u hakarak subliña katak asinatura husi akordu ne'e la signifika formasaun husi aliansa militár ida ho Iraun ka asisténsia militár resíproka", hateten husi Vise-Ministru Negósiu Estranjeiru Rusia nian, Andrey Rudenko, ba Parlamentu Rusia, ka Duma.
Lakuna iha kompromisu ida-ne'e kontrariu tebes ho asisténsia Iraun nian, ne'ebé fornese ona drone sira no misil sira ba funu Rúsia nian iha Ukránia. Maibé, ba Prezidente Rusia Vladimir Putin, fatór Israel maka konsiderasaun prinsipál ne'ebé difikulta envolvimentu militár Rusia iha Teheran.
Trump La Aseita Oan Mane Khamenei Troka Nia Aman
Iha sorin seluk, Prezidente Estadus Unidus (EUA) Donald Trump hatete iha Kinta-feira (5 Marsu 2026) katak nia tenke envolve iha noemasaun líder Supremu Iraun nian hodi troka Ayatollah Ali Khamenei.
Trump rejeita ideia husi Ali Khamenei nia oan-mane, Mojtaba Khamenei, hodi troka nia aman nu'udar Líder Supremu Iraun nian.
Nia hateten, ideia husi Mojtaba Khamenei sai hanesan Líder Supremu Iraun nian maka "la aseitavel".
"Sira lakon sira nia tempu. Khamenei nia oan-mane laiha kompeténsia. Ha'u tenki envolve iha nomeasaun, hanesan Delcy (Rodriguez) iha Venezuela", Trump hateten.
"Khamenei nia oan-mane la aseitavel ba ha'u. Ami hakarak ema ida ne'ebé bele lori armonia no dame ba Iraun", nia hatutan.
Trump hatete katak, hili líder ida ne'ebé tuir polítika sira husi líder supremu anteriór nian bele obriga EUA fila fali ba funu "iha tinan lima nia laran".