EUA: Sekretáriu Estadu Marco Rubio iha loron-segunda ne'e fó esplikasaun foun ida husi administrasaun Presidente Donald Trump nian kona-ba tansá maka Estadus Unidus deside atu lansa asaun militár hasoru Iraun agora -- hodi hatete katak ameasa hosi Iraun "iminente" tanba hatene katak sei halo retaliasaun hasoru Estadus Unidus bainhira hetan ataka, inklui husi Israel. 

Nia ko'alia ba jornalista sira molok fó informasaun ba gang hosi líder kongresu na'in 8 iha Capitol Hill. "Iha duni ameasa iminente ida," Rubio hatete. "No ameasa iminente maka ami hatene katak se Iraun hetan ataka, no ami fiar katak sira sei hetan ataka, katak sira sei tuir kedas ami, no ami sei la tuur, tuur iha ne'ebá no absorve golpe ida molok ami hatán."

Media The New York Times relata, Lakleur hafoin briefing, Prezidente Kámara Mike Johnson apoia Rubio nia razaun foun, hodi hatete katak konsekuénsia sira sei sai maka'as tebes se EUA la ataka iha tempu hanesan ho Israel. Rubio hatete katak EUA hatene oinsá Iraun sei hatán. 

"Klaru tebes katak se Iraun hetan ataka husi ema ruma - Estadus Unidus ka Israel ka ema ruma - sira sei hatán, no hatán hasoru Estadus Unidus. Orden sira delega ona ba komandante sira iha kampu," nia hatete. "Ida-ne'e automátiku."  

Nia hateten, vingansa besik imediata husi Iraun prova ona nia pontu, hodi hatete katak misil sira "prepozisionadu" ona hodi ataka antes atake inisiál iha resintu lideransa nian."Se ami hamriik no hein atu atake ne'e mosu uluk, molok ami baku sira, ami sei hetan vítima barak liu," Rubio kontinua.

"Ami hatene katak sei iha asaun israelita ida. Ami hatene katak ida-ne'e sei hamosu atake ida hasoru forsa amerikanu sira, no ami hatene katak se ami la buka tuir sira antes sira lansa atake sira-ne'e, ami sei hetan vítima barak liu."

Maibé Rubio nega katak Israel obriga administrasaun Trump nia liman -- hodi hatete katak asaun militár norte-amerikanu nian ikusmai sei sai nesesáriu. "La importa saida, ikusmai, operasaun ne'e presiza akontese. Ne'e maka kestaun tanba saida agora," nia hatete, hodi refere ba atake israelita ne'ebé besik ona. "Maibé operasaun ida-ne'e presiza akontese."