Xefe Suku Bidau Santana, Alexandrinho Mesquita da Costa Braz informa, husi total uma-kain 40 iha ninia suku ne’ebé sofre despezu administrativu, iha uma-kain 19 mak simu ona indemnizasaun.

Ba uma-kain 21 ne’ebé seidauk simu, Alexandrino dehan, uma-kain 15 mak iha 25 Setembru ne’e foin lori sira-nia konta bankaria no dokumentu sira seluk ba parte Obras Publika hodi bele hahú prosesu.

“Ha'u hetan kontaktu pozitivu husi Diretór balun husi Obras Rai Kotu ninian, telefone ha'u lori ona sira ba, sira ba ne'e lori sira-nia konta bankaria ho elitoral par hodi hetan karta aseitasaun," dehan nia.

Tanba saida mak prosesu ba sira ne’e kluer, Xefe Suku ne’e dehan, tanba iha momentu SEATOU sobu uma, komunidade lubuk ida ne'e laiha notifikasaun.

Tan ne’e, ida ne’e sai problema ba Obras Publika, tanba atu selu vitima eviksaun tenke bazeia faktus ruma.

"Faktus mak saida? Tenke foti dadus, foti dadus mak ita foin hatene uma ne'e nia medida halo nusa, orsida tekniku nia servisu, maibé momentu ne'eba laiha,” dehan nia.

Enkuantu, ba uma-kain neen (6) seluk, Xefe Suku ne’e dehan sira hili atu lori prosesu ba tribunal.

Entretantu, iha 18 Fevereiru 2024, ekipa SEATOU halo despezu administrativu ba uma-kain 40 ne’ebé konsidera okupa espasu públiku no fatin risku ba dezastre.