“Bom, ha'u la hatene, mai husi li’ur ne’ebá mai to’o iha ne’e, la’os oras rua, ne’e oras 20 no sei iha tempu, hau laiha informasaun  (Primeiru Ministru, Xanana), sei mai ka la mai, tempu sei iha, ne’e mak ha'u dehan,” Dehan Sekretáriu Jerál FRETILIN, Mari Alkatiri liu husi Konferensia Imprensa, Kuarta (24/06).

Aliende ne’e, nia afirma, média akompaña, nia parte pozisaun ikus-ikus ne’e, atu bele hatene ke apelo atu hamutuk fila-fali ne’e, la’ós agora de’it, hahú antes ona.

“Ha’u iha konsiénsia klaran, ita so bele lori mehi fundadores, mehi erói no martirés sira nian ba oin, bainhira ita hamutuk foti fila-fali, hatun kiak no mukit, hamos matan-been povu nian,” Nia hatete.

Nia fundamenta, hamutuk fila-fali hodi foti kauza ida,  kuaza  ne’e mak atu kore povu husi kiak no mukit, ne’e para kauza komun atu hot-hotu servisu hamutuk.

“Ami 74 no 75 bele husik buat ruma pozitivu, buat ruma ne’ebé bele jerasaun futuru tuir mai atu banati tuir ka atu hadi’a tan,” Nia salienta.