"Povu timor lakon nia ema diak ida, maun Lu Olo ema ida ke determinadu, disiplinadu  kumpri nia misaun, entaun ita lakon, maibé dalan  mak ne’e hotu, obrigadu ba maun Lu, tanba nia kontribui fo hela timor ba ita hotu,  liu-liu ba ita nia jerasaun tuir mai no ita ne’ebé sei moris tuir nafatin, banati tuir, tuir nafatin dalan ne’ebé  iha hodi lori ita nia nasaun ba oin, hot-hotu hamutuk  kombate mukit, kiak, dezempregu iha ita nia rai,” Espresa Eis Prezidente Republika, Taur Matan Ruak, iha rezidensia Saudozu “Lú Olo”,  Foral, Tersa (23/06).

Tanba  Timor-Leste hetan tiha vitoria  ba ukun an mais  ema moris diak seidauk, ne’ebé  “obrigadu ba maun Lú, ami mai hotu ne’ebé mai husi ai-laran ho nia, ami espresa ami nia sentimentu  kondolensia profundu  ba nai kaben, nia oan sira,  sira la mesak , ami mai hotu iha nia sorin”.

Nia haktuir, saida Saudozu  husik hela ba nasaun no povu ida ne’e, kontinua hatutan ba mensajen sira ne’ebé husik hela

“Konserteza nia fanu hela ita para ita labele dukur no hader nafatin, buat ne’ebé la diak la kontribui ba dezenvolvimentu ba ita nia rain, ita tenke halakon. Ami rua hamutuk ba hotu ospital  (Malázia). nia hela, ha’u fila, no antes hau fila, hau despede  no hau hateten ba nia katak  ami hotu la haluha nia, hamutuk nafatin, saida deit mak mai simu, tanba ne’e  iha Maromak nia liman, finalmente hakuak ikus, hau  fó nia iha Malázia,” Nia hato’o.

 Tanba nia ba ona,  husu obrigadu ba nia,  distinu hanesan ne’e duni.  Ita ne’ebé sei moris forsa nafatin, iha loron hira ita konsentra  para husik nia iha fatin ikus.

“Husu maromak ba para fó fatin ba nia iha horik rohan la’ek no ita sira ne’ebé sei moris kontinua lori ita nia rai ba oin,” Nia husu.

Nia mós husu obrigadu barak ba populasaun tomak  ne’ebé hatun mata-been  fó manifesta solidariedade boot ba lakon ida ne’e.