Tanba luta nain sira luta ba ukun rasikan ida ne’e ho signifikativa tebes, tanba ne'e husu ba jerasaun foun sira iha obrigasaun atu priense ukun rasik ida ne’e ho konseitu kontribui buat ne'ebé mak di'akba dezenvolvimentu Timor-Leste.

“Husi pozitivu no konsentidu ne’e dehan atu kontibui buat ne’e mak di'ak, tanba ita atu kontribui ba dezenvolvimentu ne’e ho kontribuisaun pozitivu signifika ita fo onra ba ita nia erói no enoina sira nia luta ba ukun rasik na ida ne’e,” dehan Elvina Sousa Carvalho, ba jornalista sira hafoin partisipa Komemorasaun Proklamasaun Independénsia Unilaterá ba dala-50, iha Palásiu Govenu, Sesta (28/11).

Nia haktuir, independénsia ba dala 50 ona ne'e promosaun Igualidade feto progresu bo'ot ona, nune’e setór hotu-hotu presiza habi'it no hasa'e feto sira nia partisipasaun iha área oin-oin.

“Ita nia indepedensia ba dala 50 ne’e iha progreseu partisipasaun feto iha promosaun igualidade feto ne’e, progresu bo'ot ona maibé agora iha setór hotu-hotu ita presiza habi'it no hasa'e partisipasaun feto sira nia  iha setór sira hanesan área teknolojia no matemáika enjineiru, seguransa no justisa," nia hatutan.

Governante ne’e dehan, SEI iha konfiasa bo'ot tebes ba feto maluk sira ne’ebe luta husi hori uluk kedas, hatudu sira nia korajem no brani atu bele kontiribui ba ukun rasik aan no agora mos sira okupa iha kargu oin-oin. 

"Ha’u ekoraja ema hotu lolo liman ba malu atu priense ukun rasik aan ida ne’e ho diak. Hakarak enkoraja ema horu tantu feto, mane defisiénsia no grupu LGBTQI hotu-hotu tenke lolo liman ba malu hodi priense ukun rasik aan ida ne’e ho diak tanba ita la hetan ho fasil. Tanba ukun rasik na ida ne’e ema barak mate, no balun to'o agora la hetan nia rate," nia Tenik.