Sekretáriu Estadu Formasaun Profisionál no Empregu, Rogério Araújo Mendonça hatete,  SEFOPE sei konvida Komisaun C iha Parlamentu Nasionál  mai atu justifikasaun  ba publiku sira  nia preokupasaun  kona-ba kandidatu Timor-oan sira seidauk ba serbisu iha Austrália.

“Tanba kandidatu traballadór Timor-Oan balun sei iha sistema  to’o agora  seidauk bolu  atu ba serbisu iha Austrália,  exemplu antes aplika vaga ida no ita hotu-hotu  iha profil.  Agora kandidatu Timor-oan sira ne'ebé aplika vaga refere  tau deit mak CV no la tau dukumentu ruma hanesan sertifikadu  ho dukumentus sira seluk,” Dehan nia ba Jornalista sira, iha PALM Spring, Fatuhada, Kinta (19/03).

Nia dehan, bainhira empregador sira iha Austrália presiza  no oinsá  empregador sira atu hili sira, kuandu empregador sira mai intervista direita ho kandidatu Timor-oan sira.

“Tanba kandidatu Timor-oan balun seidauk responde ho diak oinsá  empregador sira atu hili kandidatu Timor-oan sira,” Nia relata.

Entaun, programa ida skill-up,  atu nune'e Governu liu husi SEFOPE, atu kapasita fali kandidatu Timor-oan sira  prepara atu ba serbisu iha Austrália.

“Kandidatu traballadór Timor-oan sira foun la’ós la hetan ona oportunidade ne’e la’e, tanba SEFOPE ho Governu Austrália diskute kona-ba asuntu ida ne’e  oinsá aumenta to’o rihun  10 ne'e,” Nia afirma.

Nia fundamenta, Governu Austrália ho Governu Timor-Leste prepara skill  ho joven sira nia abilidade hodi hatan hela kompeténsia empregadór sira nian, atu hakarak halo rekrutamentu ba Timor-oan sira.