Sekretariu Estadu Formasaun Profisionál no Empregu, Rogério Araújo Mendonça hatete,  Programa ida PALM agora dadaun sei dezeña hela kona-ba insfraestratura sira  hanesan PALM Center iha tempu sei  halo konstrusaun  iha Tibar.

“Ha'u hanoin orsamentu halo konstrusaun PALM Center iha Tibar,  labele pronunsia  lai, depois  atu halo lansamentu mak foin hatene orsamentu montante hirak mak sei gasta ba insfraestratura refere,” Dehan nia ba Jornalista sira, iha PALM Spring, Fatuhada, Kinta (19/03).

Nia afirma, Ohin  SEFOPE ho Embaixadora Austrália iha Timor-Leste halo  diskute  kona-ba  dezeña insfraestratura PALM Center  ne’ebé sei harii iha Tibar.

Nune'e, hahu diskute husi konstrusaun  ho dezeña mai to’o  survei rai sira ne'e, entaun tempu badak sei pronunsia ba públiku,  maibé agora faze  preparasaun  atu halo konstrusaun edifísiu PALM Center.

“Bainhira  tékniku husi DFAT nian hamutuk ho SEFOPE atu halo dezeña  ona planu ne'e  no atu implementa kalendariu ne'e  no ami sei halo publikasaun,” Nia hakotu.