“Restaurante Ocean View ne'e, ha'u hein hela sira nia karta to'o agora seidauk lori mai ha'u, restaurante na'in dehan atu konsulta ho ha'u mak to'o agóra, hodi ha'u haree tenke sobu, maibé nia na'in to'o agora seidauk hasoru ha'u, entaun ha'u hein nia oinsá hodi sobu,” Dehan Sekretáriu Estadu Asuntu Toponomia Organizasaun Urbana, Germano Santana Brites bá Jornálista INDEPENDENTE, iha Elemloi, Sesta (03/10).

Bainhira sobu, nia dehan, kuandu nia na'in la kontente desizaun sira, bele lori bá Tribunal bá, to'o tempu Governu tenki sobu.

 “Maibé agora ita hare tempu lai, tanbá servisu lá'os mak ida ne'e de'it, iha parte Postu Dom-Aleixo ne'e hela mak parte rua ne'e de'it hanesan (restaurante) Cosette ho restaurante Ocean View, depois Ocean View ne'e ita haree buka dalan oinsá bele ko'alia didi’ak, karik la kontente, bele lori bá Tribunal,”Nia relata.

Nia informa, durante Governu liu husi SEATOU hasai de'it uma balun, maibé razaun atu hasai ka la hasai restaurante Cosette ne'e Governu nia servisu.

“Na'in la presija ko'alia, tanbá haree servisu halo, ne'e servisu Governu nian, sé na'in hakarak ko'alia husik tesik bá ko'alia to'o nia kolenm na'in para rasik de'it, ita halo servisu de'it, tanbá hasai ne'e Governu nia servisu, nune'e prosesu indimnizasaun ne'e nia na'in hatene  uza tiha hotu ona, nia nafatin hakarak ko'alia lori bá to'o Tribunal ita tuir bá, tanbá ita laiha problema ho nia, ita mós hakas an hela atu hasai,” Nia afirma.

Tanba, mákina sobu husi Luru-mata nian tun bá tun bá Embaixada Amérika.

“Mákina ne'e livre ona kualker tempu organiza ita sobu sai tiha, tanbá ne'e lá'os buat boot nia medida ho metru 3x4 ital de'it cor sa'e ba ne'e maka ita hare andar boot ida, maibé sira okupa de'it espasu públiku, trotoar leten ne'e, ita servisu la to'o loron tomak, tanbá baku soe sai bá lixu fatin, ita laiha problema ho nia no la sai kestaun bá Governu atu la servisu ne'e lae, Governu hala'o servisu,” Nia hakotu.